Consideramos que tras as informacións aparecidas nalgúns medios de comunicación, debe darse unha explicación oficial en sede parlamentaria para que todos os grupos políticos e os cidadáns galegos poidan saber cales son os plans do Ministerio de Fomento.
Estimamos que o Secretario Xeral de Transportes do Ministerio debe aclarar se é certo ou non que o Executivo de Zapatero pretende relegar a finalización das melloras de infraestruturas necesarias en Galicia para contar cun servizo de transporte de mercancías ferroviarias competitivo e esperamos que Fomento tamén explique cuestións esenciais para o Grupo Parlamentario Popular e para os deputados galegos como as saídas que se utilizarán, as conexións cos portos previstas e os prazos de execución.
Confiamos en que o secretario de Transportes compareza canto antes para aclarar o futuro do transporte de mercancías en Galicia, xa que non só é importante definir os enlaces cos portos, senón tamén concretar os ramais de acceso das Grandes Infraestruturas loxísticas (portos, portos secos, plataformas loxísticas, polígonos industriais etc.) da Comunidade.
http://www.lavozdegalicia.es/galicia/2009/12/09/0003_8159381.htm
