Onte viaxei a Verin para asistir ao acto de presentación de Juan Jiménez Morán como candidato do PP á alcaldía nos próximos comicios municipais de maio.
Verín é nestes momentos o concello mais poboado (14.633 habitantes) dos que goberna o noso partido na provincia e que elixe dezasete concelleiros.
Jiménez, ante un ateigado auditorio fixo un serio repaso do amplo traballo realizado nestes últimos anos nos que Verín experimentou un notable progreso e comprometeuse a seguir traballando con ilusión para os verineses.
Destacou a importancia do proxecto da Eurocidade e agradeceu ao presidente da Cámara de Chaves, João Batista a sua extraordinária colaboración no impulso a esta gran área de oportunidade.
A continuación interveu o presidente provincial José M. Baltar que encomiou a xestión de Jimenez e dixo que era o mellor candidato do PP en Verin á vez que vaticinou que aumentaría a súa maioría absoluta.
Finalmente pechou o acto o Presidente do PP de G, Alberto Núñez Feijóo que destacou as calidades do candidato que acumula unha importante experiencia en xestión e que como inconformista que é, aspira a dar máis aos seus veciños.
A miña felicitación ao PP de Verín póla excelente organización do acto e o meu total apoio a este excelente alcalde, Juan Jimenez.
