Paréceme pertinente salientar
o feito dado a coñecer hoxe polo presidente do Goberno galego, Alberto Núñez
Feijóo, na rolda de prensa posterior ao Consello do Goberno de que no pasado
mes de agosto, o Executivo realizou un esforzo adicional de pagamento a
provedores polo importe de 150 millóns de euros, priorizando tres tipos de
gasto: a autónomos e pequenas empresas, ás entidades sociais e ás empresas de
certificación de obras.
Asegurou que a axilidade no pagamento a provedores é
“unha prioridade que establecemos desde o primeiro día”, e afirmou que cos
datos da Consellería de Facenda correspondentes ao 1 de setembro, o aboamento
das facturas se mantén no contorno dos 50 días.
Feijó resaltou que desde o inicio do mandato o Goberno
tentou “manter o compromiso de esforzar toda a tramitación para que os
provedores da Xunta de Galicia fosen menos castigados pola crise económica e
fosen menos castigados pola falta de liquidez das administracións públicas
españolas”.
Afirmou que “ter
as contas en regra non é só un obxectivo en si mesmo, senón que axuda a xerar
confianza, axuda, sen ningunha dúbida, a decidir investimentos estranxeiros na
Comunidade e axuda a recuperar a economía de Galicia” engadindo que esta
situación permite, ademais, “cumprir obrigas”.
Neste sentido, remarcou que, coas dificultades que están a pasar todas as administracións públicas, “Galicia mantén o seu compromiso de pagar as súas facturas coa maior dilixencia posible e nos menores prazos do conxunto das administracións públicas autonómicas do Estado.”
Neste sentido, remarcou que, coas dificultades que están a pasar todas as administracións públicas, “Galicia mantén o seu compromiso de pagar as súas facturas coa maior dilixencia posible e nos menores prazos do conxunto das administracións públicas autonómicas do Estado.”
Feijoo insistiu en que a actual situación de liquidez
“deriva dun traballo continuado durante toda a lexislatura, dunha
presupostación realista, en primeiro lugar, de non presupostar ingresos que
despois non se producen, e deriva tamén do propio prestixio que ten a Xunta de
Galicia nos mercados de débeda”.
A ese respecto, informou de que a nosa é “a única
Comunidade autónoma que cumpriu e executou o seu programa de endebedamento
completo no ano 2011” e a única “que no ano 2012 ten xa colocada a metade da
débeda autorizada polo Consello de Política Fiscal e Financeira”.
Feijóo apuntou que isto permite “atender con normalidade
e nun tempo razoable ao tesouro da Comunidade autónoma, pensando sempre nos
pequenos provedores, nas pequenas empresas e nos gastos sociais”.
“Isto nos permite que de 50.000 millóns de euros que o Goberno de España puxo á disposición de comunidades e concellos, Galicia pedise cero euros, e polo tanto Galicia siga a ser a comunidade máis solvente do Estado autonómico”, enfatizou.
“Isto nos permite que de 50.000 millóns de euros que o Goberno de España puxo á disposición de comunidades e concellos, Galicia pedise cero euros, e polo tanto Galicia siga a ser a comunidade máis solvente do Estado autonómico”, enfatizou.
