Compre destacar que o Consello de Ministros celebrado onte recibiu un informe do Ministerio de Industria, Enerxía e Turismo sobre a posta en marcha, do Programa de Incentivos ao Vehículo Eficiente (PIVE), cuxo obxectivo é a substitución de 75.000 vehículos, turismos e comerciais lixeiros, con máis de doce anos e dez anos de antigüidade respectivamente, por modelos de alta eficiencia enerxética, de menor consumo de combustibles e emisións de CO2.
A renovación do parque de vehículos constitúe unha das principais ferramentas de promoción da eficiencia enerxética no transporte e a incorporación ao mesmo de novos modelos, con tecnoloxías máis eficientes, permite reducir o consumo específico do transporte de viaxeiros e mercancías, co efecto engadido de reducir os impactos ambientais e mellorar a seguridade.
Estímase que o aforro enerxético asociado ao Programa PIVE,
dotado cuns fondos de 75 millóns de euros e vixente desde o 1 de outubro de
2012, e ata o 31 de marzo de 2013 ou esgotamento dos fondos, ascende a 26,1
millóns de litros de combustible/ ano. Iso significa, en termos económicos e ao
prezo actual do barril, un aforro de dezaseis millóns de euros/ano, ao que hai
que engadir unha redución das emisións de gases de efecto invernadoiro de 54.000
toneladas/ano de CO2.
O transporte, principal consumidor de enerxía
final
O sector do transporte en España é o principal consumidor de
enerxía final (37,4 por 100 en 2010), así como o principal emisor de gases de
efecto invernadoiro (29,5 por 100 do total no mesmo ano), enfrontándose a un
importante reto nos próximos anos para conseguir que o noso país cumpra cos
compromisos internacionais en canto a sustentabilidade ambiental e limpeza de
aire nas cidades.
O sector caracterízase, ademais, por ter unha
estrutura de consumo dominada por produtos petrolíferos importados practicamente
na súa totalidade, o que contribúe á elevada dependencia enerxética de España do
exterior, próxima ao 80 por 100, moi superior á media europea que é do 54 por
100, cos consecuentes efectos no déficit exterior e na inflación.
Doutra
banda, a considerable caída de vendas de vehículos rexistrada en España nos
últimos anos provocou un envellecemento do parque de vehículos do noso país que
implica que sexa menos eficiente e segura e, xa que logo, máis custosa.
Beneficiarios e contía da axuda
Poden ser beneficiarios da
axudas, particulares, profesionais, autónomos, microempresas e pemes.
O
beneficiario obteraas directamente, mediante o desconto correspondente no punto
de adquisición do novo vehículo, é dicir nos concesionarios, que previamente se
tiveron que adherir a este Programa mediante un procedemento regulado e
publicado na páxina web www.idae.es. Os cidadáns poderán consultar a listaxe de
establecementos adheridos nesa mesma páxina.
A contía da axuda pública
achegada polo Ministerio de Industria, Enerxía e Turismo é de mil euros por
vehículo. A eses mil euros súmase o desconto que ha de aplicar o fabricante ou
importador do novo vehículo incentivable na factura de compravenda e que será,
como mínimo, de mil euros.
A contía do desconto para o beneficiario
será, xa que logo, de dous mil euros como mínimo.
Esta axuda é
compatible con outras vixentes a condición de que estas proveñan de fondos
propios das Comunidades Autónomas e de fondos europeos.
Requisitos para
acollerse ás axudas
Os vehículos susceptibles de acollerse ao programa
poderán ser novos ou de antigüidade non superior a un ano desde a súa primeira
matriculación, deberán cumprir os seguintes requisitos que se poden consultar na web: www.minetur.es e www.idae.es
Celebro esta medida, que terá reroenos fiscais para o Estado e que contribuirá a dinamizar o sector de automoción que é un dos de maior peso na economía nacional, pola súa
capacidade de xerar renda e emprego nas industrias fabricantes e auxiliares de
compoñentes, na rede de distribución, nos talleres e nas moitas empresas de
servizos vinculadas ao automóbil.
Un sector que pola crise afronta unha enorme debilidade do mercado interior e que afecta ás nosas plantas fabricantes en España, pois a súa fortaleza e solidez é un factor de localización decisivo.
Estou seguro do éxito deste Plan, como dos outros que o precederon e polo que tanto traballamos na pasada lexislatura.
