Impresionante mitín en Ourense de peche de campaña

Ás 23,55 horas de onte puxemos fin na cidade de Ourense aos actos de campaña electoral e foi nun gran mitin no pavillón dos Remedios, que estaba abarrotado por mais de cinco mil persoas. 

Abriu o acto o Presidente provincial Manuel Baltar que entusiasmado resaltou o cheo histórico deste recinto nun mitín e recordou a gran maioría" que o PP provincial obtén en todos os procesos electorais. porque é un partido que resolve o que lle importa aos cidadáns" . 

Despois interveu o candidato Jesús Vázquez, que se mostro orgulloso de formar parte dun Goberno unido e responsable que asegurou a solvencia da nosa Comunidade. E fixo un repaso aos catro anos de goberno.

A continuación foi a quenda do Presidente do PP, Mariano Rajoy que sinalou que o compromiso do seu partido coa comunidade galega ten "un rostro visible e un nome propio: Alberto Núñez Feijóo", que é "o mellor candidato e o mellor presidente, demostrou que era o mellor para gobernar en tempos de crises e vai demostrar que é o mellor para sacar a Galicia da crise e gobernar en tempos de bonanza". 

Rajoy recordou que Feijóo tivo "a honestidade de facer o diagnostico correcto e dicirlle a verdade aos galegos e fíxoo en 2009 cando había outros falaban de brotes verdes e foron incapaces de decatarse da realidade". "Por iso Galicia vai ser a primeira en saír da crise", subliñou. 

"Alberto Núñez Feijóo foi o primeiro, en 2009, en ter a coraxe e a vontade de actuar como había que actuar e se outros actuasen como se fixo en Galicia non estariamos como estamos, porque chegamos tres anos tarde a solucionar os problemas", engadiu. 

Neste sentido, Rajoy destacou que "votar ao PP é votar cento por cento ao PP, un voto completo a Feijóo e non un voto dividido entre cinco, porque un voto dividido entre cinco é un goberno entre cinco e aquí tivemos un entre dous e non nos interesa". "Galicia necesita un goberno forte, cun rumbo claro e un liderado visible, non cinco minigobiernos dedicados cada un ao seu", subliñou. 

Mariano Rajoy destacou que "queremos coaligarnos soamente cos galegos, non queremos coalicións con dúas, tres ou catro partidos, porque o único programa de todos os demais é que non goberne quen gañe as eleccións e nós queremos gobernar para solucionar os problemas dos cidadáns". 

"Xa tivemos bipartitos e sabemos a xestión que fixeron, vivímolo, e por iso queremos un Goberno sólido, non un Goberno en cinco partes no que cada consellería diríxaa un partido distinto", aseverou. 

Por iso, destacou, o PP "ofrece unha vez máis a todos os galegos seguridade e certidumbre na figura de Alberto Núñez Feijóo". Así, Rajoy pediu o voto para o Partido Popular porque "votar a Feijóo e ao PP é votar polo moito conseguido xuntos e o moito máis que imos conseguir nos próximos anos". "É votar pola Constitución e o Estatuto, é apostar polos valores que unen a todos os españois, uns valores que para nós son iguais en Galicia, o País Vasco, Cataluña e toda España", afirmou. 

Para o presidente do PP, o vindeiro domingo 21 "vaise a elixir entre unha Galicia galega, española e europea ou as súas antípodas; vaise a elixir entre a estabilidade, a moderación e o sentido común ou a confusión, o desconcerto e a tensión continua". "Vaise a elixir entre un verdadeiro líder cun partido detrás como unha piña ou unha amálgama de cinco partidos pelexados polo mando; vaise a elixir entre un goberno sólido ao servizo de todos os galegos ou un pacto de circunstancias ao servizo de intereses partidistas", concluíu. 

E o peche do mitin correspondeu ao noso primeiro candidato, o ourensán, Alberto Núñez que dun modo moi emotivo afirmou que "ocorra o que ocorra o domingo, nunca esquecerei estes catro anos". 

Feijóo recordou que o seu equipo de goberno traballou desde o primeiro día aplicando medidas de austeridade e corrixindo os "erros do bipartito". A súa xestión serviu para "recuperar a imaxe de Galicia" como a comunidade máis solvente "que non necesita préstamos do Goberno e que chega a final de mes" aínda que, recoñeceu, "todo o que fixemos non é suficiente porque 259.000 persoas non teñen traballo". Por iso comprometeuse ante o auditorio a "traballar desde o luns ás oito ata o último luns dentro de catro anos". 

Tamén Feijóo pediu o voto dos defraudados coa esquerda e co nacionalismo e apostou por asinar un gran pacto cos galegos. 

Invitou aos presentes a cuestionarse se ante a inestabilidade convén un goberno de catro ou cinco partidos ou seguir desenvolvendo un proxecto de responsabilidade e a pensar que goberno pode xerar máis confianza para que haxa empresas que invistan o seu capital e Galicia. 

Así mesmo, invitou a meditar quen pode ter máis capacidade de resolución e a pensar se se quere un goberno que pague facturas ou un goberno que axite bandeiras que separan. 

Recordou, xa que logo, que os galegos teñen dúas opcións que elixir o 21 de outubro. Así, hai unha opción que gobernou dividida e enfrontada durante os anos que nos levaron a esta crise, que incrementou os gastos superfluos e deixou buracos económicos e, por outra banda, hai outra opción que gobernou unida e coordinada durante os anos de crises, que xestionou con eficiencia e que deixa a Galicia como a comunidade máis solvente. 

Finalizou pedindo o voto, polo tanto, para que a comunidade que se enfrontou primeiro á crise sexa a que primeiro afronte a recuperación e aseverando hoxe Galicia está máis preparada e capacitada para facer fronte á crise e vencela do que estaba fai catro anos. 

Agora faremos reflexión neste sábado e o domingo a votar.