Mitín central en Pontevedra

Acabo de regresar do mitin central da campaña do PP de G, celebrado na Praza de Touros de Pontevedra, onde ademais de Feijóo, tamén interviu o presidente do PP e do Goberno Mariano Rajoy, e o presidente de honra do PPdeG, Gerardo Fernández Albor.

Nada menos que 12.000 persoas   vidas das catro provincias ateigaron o coso pontevedrés, e que disfrutaron tamén da canción da campaña "Veña Galicia· composta polos "Limones", que podes escoitar premendo este enlace:

http://www.youtube.com/watch?list=UUYeLanhAGJ6ERUJbJKq8ydw&v=r-8aE_sZ8Co&feature=player_embedded

Mariano Rajoy, no seu discurso asegurou que "Galicia foi a primeira en afrontar a crise e será a primeira en saír dela. Alberto Núñez Feijóo foi capaz de ver a crise cando outros aínda vivían nun mundo feliz; o primeiro en facer un diagnóstico preciso do que estaba pasando en Galicia e no resto de España; e o primeiro, no ano 2009, en tomar as decisións que había que tomar. Se outros fixesen o mesmo ao seu tempo, non estariamos na situación pola que estamos pasan" engadiu.

O presidente do Goberno e do PP destacou que a Xunta, con Alberto Núñez Feijóo á cabeza, fixo os seus deberes e explicou que nuns momentos difíciles -onde a xente, as empresas e as Administracións teñen menos diñeiro- "souberon controlar o déficit público, son a Comunidade Autónoma con menos déficit e souberon priorizar as políticas"

"En Galicia págase aos provedores; non tivo que endebedarse nin pedir créditos nin préstamos ao Estado; atendeuse como ninguén ás persoas; abríronse centros de saúde e hospitais públicos mentres outros, desgraciadamente, tiveron que pechalos; hai máis centros educativos plurilingües e antes de chegar Feijóo non había ningún; melloráronse os servizos sociais; e fíxose un esforzo para atender ás persoas máis débiles. Iso é gobernar, tomar decisións e achegar solucións nos momentos difíciles. Para facer o que está fácil, vale calquera", subliñou.

Doutra banda, Mariano Rajoy pediu a todos os membros e militantes do Partido Popular que vaian votar o próximo 21 de outubro. "Teremos a maioría e volveremos gobernar se imos votar, porque xa temos un partido, un programa e unha xestión que avala ese programa e ao mellor candidato de todos", reiterou Rajoy, quen engadiu que o Partido Popular sempre gañou as eleccións en Galicia porque "somos o partido dos galegos"

Neste sentido, asegurou que "aspiramos a gobernar en coalición cos galegos. Só pactamos con eles antes, durante e logo das eleccións. O que vota ao Partido Popular sabe a quen vota, sabe cal é o seu programa e sabe cal é o candidato que está sentado aquí. O Partido Popular é un valor seguro" apuntóu.

Para o presidente do Goberno e do PP, Galicia non pode repetir vellos erros con bipartitos, tripartitos ou "coalicións produto de divisións, mal avenidos, con ideas distintas e programas diferentes". Así mesmo, Mariano Rajoy advertiu Galicia non pode ter un partido distinto en cada Consellería porque "así non se pode gobernar"

"Un goberno é unha cousa moi seria e non unha torta que se reparten catro ou cinco comensais. Iso non é un goberno. Galicia necesita ter unha man firme ao temón e non cinco ou seis mans disputándose o temón. Votar a Alberto Núñez Feijóo é votar estabilidade e confianza; é votar a saída da crise, a recuperación económica e a creación de emprego; é apostar pola unidade de todos os españois porque se necesita esa unidade para que todos saiamos xuntos da crise na que nos meteron algúns que agora veñen contarnos a súa vida”, finalizou.

De seguido inteveu o presidente do PPdeG, Alberto Núñez Feijóo, quen afirmou que se sente “orgulloso de que os galegos e as galegas vaiamos facer a coalición democrática da maioría absoluta en Galicia”. 

Asegurou que é mérito do pobo galego que Galicia sexa hoxe o guieiro de España, como líder no camiño da recuperación xa que foi algo que se acadou grazas aos galegos. 

Deu as grazas ao persoal sanitario, porque o Sergas é un dos mellores servizos sanitarios de Europa; aos profesores, polo seu esforzo por aprender cada día para poder ensinar mellor reducindo o fracaso escolar; aos funcionarios e empregados públicos, porque acreditaron que hoxe a Xunta é unha das Administracións máis solventes de España; ás persoas do rural e do mar, porque o seu traballo é sinónimo da calidade dos productos galegos; e a todos aqueles que invisten en emprego en Galicia. 

Por iso, Feijóo pediulles “que ninguén vos quite o mérito de facer unha Galicia que é o modelo de España”. 

Segundo apuntou, as galegas e os galegos, xuntos, se seguimos así, dentro de catro anos “celebraremos a recuperación económica de Galicia nesta praza”.

Lembrou que Galicia foi a primeira en acadar o rigor das contas públicas, en controlar o déficit, en solvencia, en sumar prazas públicas de gardería, en renovar e construír hospitais públicos e centros de saúde e en responsabilidade. 

Debido a que o Goberno galego se anticipou ao resto de España, Galicia está por diante e está máis preparada para a recuperación e en mellores condicións para poder encarar o futuro.

O candidato do PPdeG pediu o voto para que Galicia siga primeiro e para que a Galicia que se enfrontou primeiro á crise con responsabilidade agora sexa a que primeiro afronte a recuperación.

Neste senso, destacou que a única coalición do PPdeG é cos galegos, por iso pediu o voto da unidade. Ademais, Feijóo asegurou que se presenta coa capacidade de desenvolver un proxecto ata o último día desta lexislatura e desde o primeiro día da nova, polo que pediu tamén o voto da estabilidade.

Por outra banda, matizou que non se presenta contra ninguén senón contra a crise económica, polo que pediu o voto a favor de Galicia, para que xuntos se poidan seguir vencendo problemas como xa se fixo con outros que aínda padecen outras comunidades.

Trátase, polo tanto, do voto da recuperación, para que Galicia siga primeiro e siga sendo a resposta política, de toda España, ante as dificultades.

Tamén aproveitou para facer fincapé en que Galicia respondeu con exemplaridade, esforzo, responsabilidade e compromiso neste tempo e apuntou que, neste tempo, limitouse a actuar como farían os galegos e a non facer o que non farían os galegos, xestionando sempre con “sentidiño”.

Así pois, o Goberno de Feijóo aplicou “sentidiño” cun equipo unido e cun proxecto; e non cinco partidos a repartir asentos. Puxo tamén “sentidiño” para que o goberno gastara menos en si mesmo e puidera investir o máximo nos cidadáns, para facer máis con menos e para que os galegos non teñan que pagar o que a irresponsabilidade política deixa a deber.