Despois en roda de prensa informou sobre cuestións de gran interese para o acceso ferroviario de alta velocidade a Ourense.
Tramo Taboadela-Ourense:
A ministra confirmou a variante proxectada entre Taboadela e Ourense como a solución máis axeitada para a chegada da alta velocidade á cidade.
Plantexou unha modificación de trazado entre Taboadela e Seixalbo. Unha modificación parcial en planta e alzado, que acurta o túnel de Rante en 1.700 metros, pasando de bitubo a monotubo e con dous novos viaductos.
En definitiva optimízase o trazado contemplado no proxecto de 2011, e faise un replanteamiento dalgunhas das actuacións ferroviarias complementarias, co obxectivo de favorecer a conexión de alta velocidade nos prazos previstos e o máximo aproveitamento dos recursos dispoñibles.
Entre Taboadela e Seixalbo mantense a dobre vía en ancho internacional e consérvase a vía actual para as mercancías.
Entre Seixalbo e Ourense, haberá unha vía de ancho internacional e outra de vía en ancho mixto, E recuperarase o chan do trazado da vía actual, para novos aproveitamentos.
Integración urbana e estación:
A ministra Ana Pastor plantexou unha racionalización da solución do novo edificio da estación, máis adecuado, funcional e axustado ás necesidades do servizo.
Suscitou unha optimización da integración urbana que sexa económicamente sostenible e por iso falou da creación dun grupo de traballo que integre a todas as partes implicadas, á procura dunha solución de consenso, ademais de integrar á Xunta de Galicia, que pola súa banda realizará un estudo funcional dunha terminal de autobuses a construír na estación intermodal de Ourense.
