Ilustraba a noticia coa foto dun obreiro tapiando un túnel do subtramo entre Porto e Miamán, da liña de alta velocidade.
Aludían a que os maiores problemas estanse dando entre Taboadela e Vilar de Barrio, dividido en tres subtramos (Taboadela-Ponte Ambía, Ponte Ambía-Miamán e Miamán-Porto). Traxecto, de 22 quilómetros, que iniciouse entre finais de 2010 e principios de 2011, e, segundo os prazos estipulados nos contratos, debería estar terminado a finais de 2013"
Constata a noticia que, "as obras están xa moi avanzadas (segundo estimacións de empresarios que traballan na zona, o grado de execución oscila entre o 70% e o 90%) e que de manterse o ritmo, poderían concluír a final de ano. No entanto, nos últimos meses -e en particular en xuño- sufriron un forte parón. Di que hai menos obreiros que realizan só labores de mantemento e que se están tapiando os túneis para evitar intrusos, en previsión de que as obras estean paradas durante varios meses.
Tamén na sua informacion, o periodico di que empresarios consultados aluden a atrasos de pago nos últimos meses, que se agravaron.
Onte mesmo pola tarde o Administrador de Infraestructuras Ferroviarias (Adif) en resposta á citada información publicada pola Rexión, emitiu un comunicado que literalmente dicía:
" Adif continúa traballando na conexión de alta velocidade Madrid-Galicia para cumprir os prazos previstos, aplicándose unha programación dos traballos que prioriza a execución daquelas obras que se atopan nunha fase menos avanzada, co obxectivo de equilibrar o grado de desenvolvemento de todos os tramos.
A finalidade desta planificación é que os tramos considerados máis críticos para o cumprimento de prazos avancen adecuadamente para permitir a entrada en servizo da conexión Madrid-Galicia en 2018.
Trátase, en definitiva, de utilizar os recursos de xeito eficiente, en función das disponibilidades presupostarias, sen comprometer os prazos de chegada.
O peche provisional dalgúns dos túneles soamente ten por obxecto garantir a seguridade e a súa óptima conservación ata que sexa necesario proceder ao resto de actuacións, tales como a montaxe de vía e a sinalización.
Ademais o xornal dá conta de que Adif negaba un incumprimento dos pagos e dicia 'Pode haber máis ou menos atraso en función da disponibilidade presupostaria ou por cuestións puntuais debidas a circunstancias alleas a nós', sinalaban, insistindo en que 'non hai incumprimento"
E sobre a ralentización da vía esquerda entre Vilar de Barrio e Lubián, desde Adif insistían en negar a valided dun informe que propuña construír vía única no tramo (e pospón a execución da segunda vía), aínda que recordaron que se está realizando un cambio de método constructivo que si 'prioriza unha vía sobre a outra', pero que non se extraia equivocadamente' a conclusión de que se vai a executar unha vía. 'O proxecto segue exactamente igual', concluíron.
Onte o xornal local pedíame unha valoración sobre o tema ao que respondín que consideraba convincentes as explicacións de Adif e que comprendía que 'hai que racionalizar os recursos en función da disponibilidade presupostaria' para 'dar avance nas zonas onde se require máis obra'.
Sobre as voces que apuntan a un cambio de proxecto para construír vía única, indiquei que 'o Ministerio non cambiou a sua programación sobre o previsto' e que non me consta que vaia a haber cambios'.
O certo é que a situación financeira de ADIF herdada de oito anos de gobernos socialistas é complicada, motivada nada menos que por ter 14.600 millóns de débeda.
E esta brutal débeda, que o goberno do PP ten que pagar esta lastrando os investimentos e dificulta enormemente o financiamento e condiciona a execución das obras.
Toca poñer orde onde había unha desorde case absoluta, é época de realismo e de utilizar os recursos de xeito eficiente, en función das limitadas disponibilidades presupostarias.
É un feito obxectivo que a construción das novas vías do AVE a Galicia avanzan e que existe unha clara vontade desde o Ministerio de Ana Pastor en traballar para lograr o obxectivo de conexión en 2018, e a proba máis evidente son as críticas que desde outros territorios fanse aos investimentos na nosa Comunidade, e que nós rexeitamos contundentemente.
Avanzamos, con dificultades, pero avanzamos, e desde logo eu seguiréi traballando na ansiada procura da conexión por alta velocidade coa Meseta.
