Unha asociación nada en 1977 e que preside desde fai moitos anos, Manuel Álvarez Gil.
ATAVE ocúpase das relacións coas diferentes Administracións Públicas, centrais sindicais, peritos tasadores de automóbiles, compañías de seguros, etc. para a defensa dos intereses comúns dos seus asociados.
Tamén procura a formación continua e a reciclaxe empresarial dos profesionais do sector, para que poidan afrontar con eficacia a constante innovación tecnolóxica que se produce no sector do automóbil.
Convén destacar o servizo técnico dirixido aos seus asociados polo Centro de Diagnose que ten como misión resolverlles todas as posibles dúbidas que se lle susciten no momento dunha reparación.
E sen dúbida debo destacar o seu Centro de Formación, no Cumial no que se imparten os cursos de Responsable Técnico de Taller, así como cursos de formación ocupacional dirixidos a mozos desempregados , e que tamén serve de Centro de Reciclaxe onde se poden reconverter e actualizar todos os traballadores e empresarios integrados en ATAVE.
Un ano máis debo felicitar a esta exemplar asociación provincial que agrupa a empresas do sector do mantemento e a reparación do automóbil, nas súas especialidades de mecánica, electricidade, carrocería, pintura, vehículo industrial, motocicletas, etc.
Recibirá resposta
