O vindeiro xoves
aprobaremos no Pleno do Congreso o Proxecto de Lei de Orzamentos do Estado para
2014, e logo irá ao Senado.
E hoxe o Parlamento de
Galicia aprobou os orzamentos da Xunta de Galicia para o ano 2014, unhas contas
que o voceiro do GPP, Pedro Pui
calificou de “continuistas porque seguen impulsando a axenda reformista do sector
público, garantindo a súa sostibilidade a longo prazo e non xerando déficit
estrutural; con reformas estruturais da nosa economía para facela máis
competitiva e loitar pola igualdade e o Estado de Benestar
“Os orzamentos son continuistas
porque seguen axustándose ao cumprimento do déficit e ao compromiso que
asumimos coa sociedade nas últimas eleccións: facer sostibles as finanzas
públicas para nunca volver a pasar a situación que estamos a vivir”, manifestou
o portavoz popular.
Pedro Pui destacou que
“teñen un endebedamento razoable dentro dos compromisos institucionais” e
puntualizou que Galicia “é a terceira comunidade autonómica na que menos crece
o endebedamento neto este ano, temos o mesmo rating que o Estado, non
dependemos nin do Fondo de Liquidez Autonómica nin do plan de provedores, somos
a segunda comunidade que paga antes, temos unha política fiscal que combina
rebaixas selectivas coa redistribución, e conseguimos que creza o gasto social”.
“Ao mesmo tempo, mantemos o investimento público e somos a segunda comunidade
autónoma en gasto de capital por habitante”, anotou.
O portavoz do GPP
reiterou que se trata duns orzamentos “axeitados para loitar contra a crise nun
contexto novo no que non valen vellas receitas, nun mundo globalizado no que se
dilúe o poder político dos estados, asistimos a unha construción europea cun
mercado único que limita a capacidade de actuar, dada a liberdade de movemento
de capitais, persoas e produtos; e cunha política monetaria común que
condiciona a política fiscal e de rendas dos Estados”.
Si desexa facer algún comentario poder enviar un correo a celso.delgado@congreso.es
