miércoles, 29 de enero de 2014

Coñecendo as necesidades das infraestruturas da provincia de Huelva

Hoxe viaxei a Huelva invitado pola Mesa do Emprego, para participar nunha reunión da Comisión de Infraestructuras, conformada por representantes dos sectores produtivos, partidos políticos, institucións e axentes sociais da provincia, que manifestaron o seu interese en trasladar ao Presidente da Comisión de Fomento do Congreso as súas demandas nesta materia.

Consideraron como prioritarias para Huelva a construción da liña de Alta Velocidade entre Huelva e Sevilla; a construción da Estación na capital, para a que o Goberno consignou nos PGE 10 millóns de euros en 2014; a mellora  das infraestructuras ferroviarias da provincia; o Corredor Ferroviario Mediterráneo; e a variante Beas-Trigueros vinculada ao desdoble da N-435. Tamén falaron da necesidade de mellorar os servizos ferroviarios prestados por Renfe.

Na reunión comprometinme a apoiar estas peticións e dar impulso e facer seguimento a todas estas reivindicacións, pois Huelva necesita tamén das infraestructuras para seguir desenvolvendo as súas enormes potencialidades.

Afirméi que o grupo de senadores e deputados do PP por Huelva, presentes na xuntanza manterán periódicamente informados aos compoñentes da Mesa do Emprego da tramitación e os avances destas infraestructuras que se leven a cabo tanto pola acción do Goberno como polo seu desenvolvemento na Comisión de Fomento do Congreso.

Igualmente destaquei o compromiso do Goberno coa provincia ao recoller todas as súas demandas nos PGE, na medida que a situación económica actual permíteo e subliñei que ningunha das infraestructuras pendentes en Huelva quedouse fóra dos PGE. Tamén resaltei o esforzo desenvolvido polo Ministerio de Miguel Arias Cañete ao desbloquear a Presa de Alcolea e o Trasvase do Condado e dotar con máis de 12 millóns ambas infraestructuras hídricas nos PGE de 2014.

Para rematar, felicitei ao PP de Huelva polo impulso á creación da Mesa do Emprego e aos seus integrantes polo traballo que desenvolven a prol desta provincia de xeito común e unido.

Finalizada esta reunión viaxei ao municipio da Palma do Condado, acompañado polo  presidente provincial do PP, Manuel Andrés González e o deputado nacional Juan Carlos Lagares.

Alí estivemos reunidos co alcalde Manuel García Felix, indo despois a estación ferroviaria de ADIF.

 http://www.huelvatv.com/index.php/informativo/noticias/item/954-visita-de-celso-delgado
Publicado por a las