Así o comunicou a conselleira do
Medio Rural e do Mar, Rosa Quintana, tras asistir en Madrid á Conferencia
Sectorial de Agricultura e de Desenvolvemento Rural.
A conselleira nunha entrevista hoxe na Radio Galega, amosou a súa
satisfacción sobre o reparto dos fondos da PAC, porque, indicou, “se conseguiu
un traballo moi equilibrado para Galicia e para toda a agricultura en España”.
Neste sentido, destacou o labor de investigación sobre a evolución da
agricultura e a gandería realizado pola administración e lembrou que Galicia
asistiu ás negociacións do reparto dos fondos da PAC “cun documento consensuado
con todas as organizacións agrarias”.
Dentro das axudas directas ás
explotacións –as do primeiro piar da PAC- se conseguiu cumprir o obxectivo da
Xunta e das organizacións agrarias, que era que a maioría dos pagamentos
acoplados -os ligados á produción- foran para o sector gandeiro. De feito,
salientou que no reparto a nivel estatal se destinan aos sectores gandeiros un
12,08% do total das axudas.
Dentro das axudas acopladas,
destacou o caso do sector lácteo español, ao que se destinan 93 millóns de
euros anuais, o que supón un incremento de máis de 30 millóns de euros da
asignación actual, que era de 57 millóns de euros. Neste caso lembrou que hai
queixas e se está a dicir que Francia dá moitas máis axudas para o sector
lácteo que España, pero “de momento ninguén deu datos”.
A titular de Medio Rural e Mar aclarou
que isto non é así, pois Francia produce 126 millóns de toneladas de leite e
ten para repartir en axudas 120 millóns de euros e España produce 6 millóns de
toneladas de leite e ten para repartir en axudas 93 millóns de euros.
Neste apartado, Rosa Quintana
tamén salientou “a valente decisión” de ligar por primeira vez na historia a
percepción das axudas directas ao concepto de agricultor activo, aquel que como
mínimo ten un 20% dos seus ingresos procedentes da agricultura. Isto tamén está
consensuado coa maioría dos sindicatos a nivel nacional, lembrou. Tamén se
define por primeira vez o que é unha finca en produción no que un dos
requisitos das explotacións gandeiras e agrícolas é que estean dadas de alta
nun rexistro.
En relación á desaparición das cotas lácteas en marzo de2015, a conselleira sinalou
que “queda moito traballo por facer” e que para iso é fundamental que o sector
se organice mellor. “Temos que conseguir un sector forte e competitivo e ser
quen de superar o minifundismo. Para iso é importante buscarlle un valor
engadido aos nosos produtos e que ese valor quede nos nosos produtores”. Neste
aspecto as organizacións profesionais agrarias poden axudar moito, engadiu.
En relación á desaparición das cotas lácteas en marzo de
nismo”.
No caso dos fondos asignados ao desenvolvemento rural, a conselleira sinalou
que para o período 2014-2020 “dispoñemos de máis cartos que no período
anterior” e destacou o seu convencemento de que Galicia acertará á hora de
deseñar un novo Plan de Desenvolvemento Rural (PDR). Engadiu que a Xunta leva
“máis de medio ano traballando no seu deseño”, que xa lle pasou o primeiro
documento aos representantes do sector e que previsiblemente este novo PDR se
presente no Consello da Xunta a finais de febreiro.
Segundo sinalou, a premisa básica deste plan é “desenvolver os sectores
produtivos e xerar riqueza no rural”. Neste cometido teñen un papel importante
os Grupos de Desenvolvemento Rural.
