Non me resisto a constatar os moi bos datos económicos de hoxe.
Por unha banda o IBEX 35 subiu un 2,93% e alcanzou os 10.178,70 puntos, nivel
máximo desde principios de xullo de 2011, impulsado pola banca, situándose como
o mellor índice bursátil europeo da xornada.
Por outra banda a prima de risco - o diferencial entre os tipos a longo prazo
alemáns e españois - rebaixouse ata 191 puntos básicos, dez menos que ao peche
da sesión anterior e segue nos seus niveis máis baixos desde os meses de abril
e maio de 2011, despois de que o rendemento do bono español a dez anos no
mercado secundario caese ata o 3,81 %, o seu menor nivel desde o pasado
decembro de 2009.
É evidente que os mercados xa contemplan a España desde unha diferente perspectiva.
Recordar a importancia que para España ten o dispoñer dun financiamento
adecuado: en 2013 o aforro por este concepto foi de 8.700 millóns de euros en
concepto de intereses pola caída da prima de risco e dos custos de
financiamento de España. Iso permitiu liberar recursos para outras partidas.
A prima de risco pasou dos 359 puntos básicos cos que comezaba o ano 2013 a
situarse en decembro por baixo de 230.
Agora xa estamos en 191 e oxalá siga
baixando.
Si desexa facer algún comentario poder enviar un correo a celso.delgado@congreso.es
Recibirá resposta.
