A medida contempla unha redución nas cotizaciones empresariais á Seguridade Social por contingencias comúns da que poden beneficiarse as empresas e traballadores autónomos que aposten polo emprego estable.
Segundo adiantou a ministra, esta medida está tendo moi boa acolleita. Desde a sua implantación xa se celebraron case 68.621 contratos indefinidos que cumpren os requisitos para acollerse a ela e a contratación estable experimentou un aumento do 21% interanual no último mes. Para Báñez estes son "datos enormemente alentadores tendo en conta que aínda moitas empresas atravesan por momentos de dificultade e incerteza".
A titular de Emprego e Seguridade Social destacou tamén a importancia da contratación a tempo parcial que, "xunto á contratación indefinida -explicou-, debe xogar un papel fundamental e converterse igualmente nunha importante vía de inserción no mercado de traballo, equiparándose a súa utilización á doutros países europeos".
Na súa intervención Báñez resaltou a importancia da implantación da reforma laboral e os seus positivos efectos sobre o mercado de traballo. Para a ministra trátase dunha reforma de calado que posibilitou frear a sangría do paro.
Recordou que mentres que cando se aprobou a reforma laboral o paro rexistrado crecía a un ritmo do 12,5%, hoxe redúcese a un ritmo superior ao 6% e súmanse xa 10 meses consecutivos de redución do desemprego en térmos desestacionalizados.
Tamén o rexistro da Seguridade Social acumula nove meses de crecemento consecutivo de afiliados en termos desestacionalizados.
Para a titular de Emprego e Seguridade Social o mercado de traballo español necesitaba unha reforma de calado. Un novo marco de relacións laborais flexible que permitise facer fronte á crise económica cun axuste das condicións de traballo que permitise salvar o maior número posible de postos de traballo e, cando a economía volvese crecer, facilitase unha recuperación máis rápida do emprego.
"Esa foi a finalidade principal da reforma laboral de 2012. Potenciar a flexibilidade interna nas empresas, poñendo a disposición de traballadores e empresarios alternativas reais aos despedimentos ante circunstancias difíciles e adversas", remarcou.
Báñez sinalou que a reforma laboral fixo máis viable a posibilidade de "descolgue", como unha alternativa real aos despedimentos. Así, desde febreiro de 2012 e a data de hoxe xa se produciron máis de 2.500 inaplicacións que afectaron a máis de 237.000 traballadores.
Si desexa facer algún comentario poder enviar un correo a celso.delgado@congreso.es
Recibirá resposta.