Do Consello de
Ministros celebrado esta mañá, cabe destacar a aprobación dun Real Decreto Lei
con medidas urxentes para o crecemento, a competitividade e a eficiencia.
Nel recóllense medidas
correspondentes aos Ministerios de Xustiza, Defensa, Facenda e Administracións
Públicas, Fomento, Educación, Cultura e Deporte, Emprego e Seguridade Social,
Industria, Enerxía e Turismo, e Economía e Competitividade, e consta de tres
eixes fundamentais, ademais de avanzar algunhas medidas da reforma fiscal:
Fomentar a competitividade e o funcionamento
eficiente dos mercados:
Nel encádranse as medidas no ámbito da liberalización
comercial, así como as destinadas aumentar eficiencia e competitividade das
infraestruturas portuarias e aeroportuarias. Tamén se enmarcan as reformas no
ámbito dos sectores enerxéticos, no que se reforma o mercado do gas natural,
para garantir a sostibilidade económica e financeira do sistema gasista e configurar un novo
marco retributivo. Igualmente, adóptanse medidas en diversas sectores para
adaptar a súa regulación á Lei de Garantía de Unidade de Mercado, en concreto,
nos sectores comercial e cinematográfico, e no das empresas de traballo
temporal.
Mellorar o acceso ao
financiamento:
Por un lado, progrésase na liberalización de necesidades
financeiras do sector público, a través de medidas como a reforma das
condicións financeiras do Fondo para o Financiamento dos Pagamentos a
Provedores que permitirá mellorar a liquidez e a situación financeira das
Entidades Locais; por outro lado, dispóñense medidas para impulsar o
financiamento das empresas, como a posta en marcha dun novo programa de
garantías do Instituto de Crédito Oficial, para mellorar o acceso ao
financiamento de pemes españolas e a súa internacionalización.
Fomentar a empregabilidade e a ocupación:
Dirixido a mellorar a empregabilidade e a ocupación, en
especial dos mozos, nel enmárcanse a posta en marcha do Sistema Nacional de
Garantía Xuvenil e as modificacións para sentar as bases legais para a
implementación da Estratexia de Activación para o Emprego.
Ademais, o Real Decreto Lei adianta algunhas medidas da reforma fiscal:
En
concreto, avánzase unha primeira rebaixa fiscal aos autónomos; establécense
exencións a ganancias patrimoniais consecuencia da dación en pagamento ou da
execución hipotecaria que afecte á vivenda habitual, e garántese unha
tributación harmonizada dos depósitos en entidades de crédito en todo o
territorio nacional.
Si desexa facer algún comentario poder enviar un correo a celso.delgado@congreso.es
Recibirá resposta
