"Eu son optimista sobre a evolución da economía española, creo que está a ir a mellor e que vai ir a mellor no futuro. E sono por dúas razóns fundamentais. A primeira, polos datos que estamos a coñecer, que mostran que o peor xa pasou e que se produciu un cambio de tendencia claro na situación da economía. E a segunda razón, que para min é máis importante que a primeira, porque creo nas fortalezas do noso país, España, que as ten e moitas".
Destacou que a mellora se está a consolidar nos principais indicadores macroeconómicos -dende a baixada do déficit público e da prima de risco ata o aumento das exportacións, o investimento estranxeiro e a venda de automóbiles e vivendas- e "tamén se están a producir resultados dos que percibe a xente".
O cambio máis importante, sinalou é o que se rexistrou no crecemento e o emprego. No primeiro trimestre do ano, España foi o segundo país que máis creceu da zona euro, e por primeira vez dende o comezo da crise están a mellorar as cifras do paro rexistrado e das afiliacións á Seguridade Social en termos interanuais, apuntou.
Rajoy prognósticou que a economía española crecerá un 1,2% en 2014 e un 1,8% o próximo ano, e subliñou que tanto o Fondo Monetario Internacional coma a Comisión Europea revisaron á alza as súas previsións para España. Estou absolutamente convencido de que ao final desta lexislatura haberá máis poboación ocupada, máis xente cotizando á Seguridade Social e menos paro que ao principio", indicou.
O máis importante é que "as reformas estruturais postas en marcha sentarán unhas bases que farán que sexa imposible" que "se repita unha situación" de crise como a sufrida por España, polo que, o próximo ano será mellor que o 2014 pero peor que o 2016. Para asegurar esa tendencia, o Executivo continuará coas reformas, en particular a fiscal -que aprobará o Consello de Ministros este venres ou o día 25, segundo anunciou- e as englobadas no Plan de Crecemento, Competitividade e Eficiencia.
Durante a súa intervención, afirmou que o Goberno é consciente da importancia das pequenas e medianas empresas na xeración de emprego e benestar. "A recuperación económica consolidarase en España cando se consolide a das pemes e os traballadores autónomos", defendeu.
Rajoy repasou as medidas específicas que o Executivo adoptou para apoiar as pemes, como o Plan de pagamento a provedores, o Fondo de Liquidez Autonómico ou a tarifa plana de cotización á Seguridade Social. Ademais, mostrou a súa disposición a emprender novas iniciativas, especialmente no relativo á situación do crédito, "que é unha das materias pendentes nas que temos que seguir traballando".
Si desexa facer algún comentario poder enviar un correo a celso.delgado@congreso.es
Recibirá resposta
