Trátase dunha importante Lei adopta as medidas lexislativas necesarias para implantar recomendacións da Comisión de Reforma das Administracións Públicas (CORA), tanto para a reordenación do sector público institucional, coma noutros ámbitos da actividade administrativa.
Recóllense modificacións legais para permitir a reordenación de organismos públicos co fin de mellorar a súa eficiencia e reducir o gasto público. Afóndase na racionalización de estruturas públicas, simplifícanse procedementos para cidadáns e empresas, reducindo trabas burocráticas e impulsando a Administración electrónica.
Medidas importantes de
Función Pública:
. Día de libre disposición: concédese un día máis aos recoñecidos na normativa vixente para asuntos particulares dos empregados públicos. A partir de agora serán cinco días, tras aprobarse outro anteriormente a finais do ano pasado.
. Flexibilización da dependencia funcional dos funcionarios interinos: Introdúcense cambios para fomentar a mobilidade dos empregados públicos, co obxectivo de conseguir que, nun contexto de redución de gasto público, poidan destinarse máis recursos ás unidades deficitarias de persoal.
. Cambios normativos do Estatuto Básico do Empregado Público para permitir ás persoas que traballan na Administración que teñan outras vías de desempeño profesional dentro da súa carreira administrativa.
+ Se crea a situación
administrativa de servizos na Administración civil para o persoal militar.
+ Se aclara o réxime aplicable a determinados supostos de mobilidade voluntaria entre administracións territoriais.
Medidas de
Transparencia:
. Creación base de datos nacional de subvencións.
A Lei de transparencia establece a obriga de facer públicas todas as subvencións e axudas públicas concedidas con indicación do seu importe, obxectivo ou finalidade e beneficiarios.
Na lei que onte aprobou o Congreso modifícase a Lei Xeral de Subvencións, para promover a transparencia e facilitar que sirva como instrumento para a planificación das políticas públicas, mellorar a xestión e colaborar na loita contra a fraude de subvencións e axudas públicas.
Medidas para garantir
a prestación da asistencia sanitaria:
. Consorcios Sanitarios
Modifícase a Lei sobre Habilitación de Novas Formas de Xestión do Sistema Nacional de Saúde para determinar o réxime xurídico dos consorcios sanitarios, co fin de garantir que as CCAA poidan seguir utilizando esta forma de xestión nas prestacións sanitarias.
Medidas para a simplificación de trámites para os cidadáns e empresas:
Recóllense modificacións básicas de normativas necesarias para a implantación de cinco das suxestións de simplificación máis ambiciosas contidas no informe CORA.
- Taboleiro Edictal Único: O Taboleiro Edictal Único do "Boletín Oficial do Estado" permitirá que todas as Administracións Públicas insiran os seus anuncios nunha única localización electrónica centralizada. O cidadán poderá ter coñecemento de todas as notificacións por comparecencia que poidan afectar aos seus dereitos e intereses lexítimos mediante o acceso a un portal e coa garantía e seguridade xurídica que supón o BOE. Publicacións, ademais, con carácter gratuíto.
- Licenza Deportiva
Única: Habilitará o seu titular para participar en calquera competición
oficial, calquera que sexa a Comunidade Autónoma en que esta se celebre. Pretende estender o principio de unidade de mercado ao deporte non profesional, para eliminar duplicidades e reducir os trámites administrativos
necesarios para a práctica deportiva.
- Listado único de
certificados electrónicos de confianza admitidos polas Administracións: Coa
aprobación desta norma, aínda que se establece un período transitorio, a única
lista de confianza de prestadores de servizos de certificación establecidos en
España será a que mantén o Ministerio de Industria, Enerxía e Turismo.
Medidas de
racionalización de estruturas e procedementos:
- Consorcios
Regúlanse cuestións técnicas, pero importantes, como pode ser o réxime dos consorcios, porque ata agora estaba regulado como se creaban e non como se liquidaban, co que moitos deles continuaban funcionando a pesar de que xa non tiñan vixencia.
- Reordenación de
determinados e organismos públicos
Procédese á racionalización de estruturas públicas, especialmente naqueles ámbitos onde existen competencias compartidas entre distintas Administracións, de modo que cada Administración conte co tamaño e os medios axeitados para o exercicio das funcións que ten encomendadas.
Recóllense unha serie de
modificacións lexislativas para adecuar as estruturas dos ministerios de
Educación, Cultura e Deporte; Emprego e Seguridade Social; Sanidade, Servizos
Sociais e Igualdade, para que as súas funcións se leven a cabo cun menor número
de entidades, unha visión máis global e integradora e un menor custo para os
cidadáns.
Por exemplo, refórzase a Axencia Nacional de Avaliación da Calidade e Acreditación, a coñecida como ANECA, como un organismo público encargado desa avaliación da calidade do noso sistema universitario e do profesorado, englobando as funcións doutra serie de organismos. No caso do Instituto Nacional das Artes Escénicas e da Música, vaise permitir a colaboración dos distintos coros que existen na Administración do Estado. No ámbito de redución destaca, a integración da Sociedade Estatal España Expansión Exterior no ICEX para aforrar custos e mellorar a xestión.
No Ministerio de
Sanidade, Servizos Sociais e Igualdade, actuacións para crear institucións
potentes, con máis peso da política social, que aforren gastos de funcionamento
é dicir, non gastar máis da conta en organigramas e centrar os recursos en
política social. É o caso, por exemplo, do Instituto Nacional de Consumo, que
se fusiona coa Axencia Española de Seguridade Alimentaria, creando unha grande
Axencia de Consumo e de Seguridade Alimentaria no noso país.
Así mesmo, refórzase o Instituto Nacional da Muller, que pasa a desempeñar funcións antes desperdigadas por outras direccións, para crear un verdadeiro Instituto da Muller e da Eliminación da Discriminación. Todos os ministerios, ademais, poñerán en práctica, sen custos adicionais, políticas de integración.
Eficiencia enerxética nas adquisicións das Administracións Públicas:
Con esta lei establécese a obriga das Administracións Públicas integradas no Sector Público Estatal para que só adquiran bens, servizos e edificios que teñan un alto rendemento enerxético.
Remato lembrando que o 19 de xuño de 2013 o presidente do Goberno presentaba o informe da Comisión para a Reforma das Administracións Públicas (CORA), despois de facer uba radiografía minuciosa do noso sector público e comprometíase a actuar en consecuencia con decisións do Consello de Ministros.
Os resultados quince meses despois xa son tanxibles en ámbitos como os da lei de réxime xurídico das administracións públicas, a do procedemento administrativo, a lei de subvencións, a factura electrónica e a morosidade nas administracións públicas, etc.
Non obstante queda aínda moito por facer para continuar evitando ineficiencias e reducir gastos en prol dunha maior eficiencia da administración pública e beneficio do cidadán, simplificar trámites, suprimir órganos ou entidades innecesarias, axilizar procedementos e mellorar a xestión dos medios públicos.
Recibirá resposta
