O Pleno do Congreso dos Deputados da próxima semana comezará o martes co debate de toma en consideración da proposición de lei do Grupo Socialista, sobre a derrogación das taxas xudiciais establecidas pola Lei 10/2012, do 20 de novembro e da proposición de lei presentada por CiU de apoio ás actividades dos emprendedores sociais.
A continuación veranse as proposicións non de lei de UPyD sobre medidas para garantir a loita real e efectiva contra a pobreza infantil en España; e do Grupo de CiU para o pagamento da débeda histórica do Estado con Cataluña en materia de investimentos.
Por último, veranse as mocións do BNG (Grupo Mixto) sobre as previsións do
Goberno en relación á "inxusta esixencia da Axencia Tributaria de
tributación retroactiva a miles de emigrantes retornados con pensións do
estranxeiro nun contexto normativo ambiguo" (neste debate intervirei
posicionando ao GPP);
e do Grupo Socialista acerca das "medidas de política económica que ten
previsto formular o Goberno nos próximos Cumios da Unión Europea ante a
constatación do fracaso das adoptadas ata a data.
O mércores, día 24 de setembro, o Pleno continuarase ás 9,00 horas coa sesión de control ao Goberno e o debate das interpretacións urxentes.
O xoves, a partir da mesma hora, a Cámara Baixa decidirá
sobre a validación ou derrogación do Real Decreto-Ley11/2014, do 5 de setembro,
de medidas urxentes en materia concursal; e o Real Decreto Lei 12/2014, de 12
de setembro, polo que se conceden suplementos de crédito e créditos
extraordinarios no presuposto dos Ministerios de Asuntos Exteriores e de
Cooperación, de Educación, Cultura e Deporte, de Fomento e de Agricultura,
Alimentación e Medio Ambiente.
A orde do día inclúe tamén ditames da Comisión de Asuntos Exteriores sobre
Convenios internacionais, asinados coa República de Moldavia en materia de
cooperación en asuntos de seguridade e loita contra a delincuencia; e coa Unión
Europea (Axencia Europea para a Seguridade e a Saúde no traballo).
Recibirá resposta
Recibirá resposta
