O Pleno do Congreso dos Deputados da próxima semana comeza o
martes, ás 16,00 horas, co debate de toma en consideración da Proposición de
Lei do Grupo Parlamentario La
Izquierda Plural sobre a reforma do Imposto sobre o Valor
Engadido dos servizos básicos: auga, electricidade, gas e transporte.
Tamén se debaterá a toma en consideración da Proposición de Lei do Grupo
Parlamentario Socialista, sobre modificación da Lei 17/2006, do 5 de xuño, da radio
e a televisión de titularidade estatal, para recuperar a independencia da
Corporación RTVE
e o pluralismo na elección parlamentaria dos seus órganos.
Ademais, abordaranse as proposicións non de lei do Grupo Parlamentario Catalán
relativa ao pagamento anual do Fondo de Competitividade correspondente aos anos
2014 e 2015 á Generalitat
de Cataluña e demais Comunidades Autónomas beneficiarias deste e a do Grupo
Parlamentario de Unión Progreso e Democracia, sobre medidas para erradicar a
endogamia universitaria mediante a reforma do sistema de selección do persoal
docente e investigador permanente universitario.
O mércores, ás 9,00 horas, continuarase o Pleno coa sesión de control ao
Goberno e o debate das interpretacións urxentes.
Na sesión do xoves, ademais do debate sobre a modificación do Código Penal no
referente a delitos de terrorismo, trataranse varios ditames da Comisión de
Asuntos Exteriores sobre Convenios internacionais.
Noutra orde de cousas informar que o mércores 18 pola tarde, teremos reunión da
Comisión de Fomento na que comparecerá o Secretario de Estado de
Infraestruturas, Transporte e Vivenda, para informar sobre a entrada de capital
privado en AENA,
Aeroportos, S.A.
Si desexa facer algún comentario poder enviar un correo a celso.delgado@congreso.es
Recibirá resposta
Recibirá resposta
