.jpg)
Asisto onte en Ourense, na
sala de exposicións de AFundación ao acto de inauguración da exposición Antolóxica do xenial pintor de
Bóveda de Amoeiro, Antón Pulido.
Foi o úlimo acto de Jesús Vázquez como Conselleiro,
que tras eloxiar o traballo de Pulido, agradecía ao presidente
Feijóo e a todo o seu equipo que o acompañaran .
O presidente
da Xunta, Alberto Núñez Feijóo, afirmou que esta exposición é unha
ventá aberta á obra dun dos grandes da pintura ourensá e galega; “cada un dos
cadros da exposición conforman un grande agasallo para os sentidos, un grande
agasallo para espertar a sensibilidade de calquera”, dixo, para engadir que
esta mostra “guíanos desde o expresionismo ata a arte abstracta, sempre da man
dun pintor que, en medio século, nunca se acomodou”.
Feijóo subliñou que os camiños e os abismos que pinta
Pulido reflicten o estado de ánimo e as perspectivas de quen contempla os
lenzos, introducindo o espectador na obra de arte. “Esta retrospectiva
convértese nunha completa panorámica da maduración artística dun autor que
soubo reinventarse constantemente, que non perdeu o interese por facer cousas
ben feitas”, abundou.
Sobre Jesús Vázquez afirmou
que “traballou arreo comigo nestes anos e que en pouco tempo deixará de formar
parte do Goberno do noso país” lembrando que foi “un dos motores políticos da
Xunta de Galicia en áreas tan difíciles como as de Cultura e Educación. E o
primeiro que tivo menos cartos cada ano”.
Salientou que conselleiro tivo
que facer fronte á praga bíblica dos sete anos de vacas fracas “que coido que
acabamos de superar e agardo que agora veñan tempos mellores”.
En definitiva o presidente
Feijoo agradeceu públicamente o traballo desenvolvido por Jesús Vázquez “un gran traballo, e fagoo aquí, nesta
cidade, diante dos ourensáns e da xente da cultura e nesta praza que é o
corazón de Ourense”
Nin
que dicir ten que comparto esta reflexión, pois Jesús Vázquez se entregou con plenitude
ao servizo público e marcha pola porta grande, cunha brillante folla de
resultados.
Parabén e grazas Jesús.
Si desexa facer algún comentario poder enviar un correo a celso.delgado@congreso.es
Recibirá resposta