Durante o mes de maio 729 persoas sumáronse como ocupados á Seguridade Social (0,74%). Grazas a este aumento, o número de afiliados medios sitúase en 98.760.
Por outro lado, en termos interanuais, 1.475 persoas súmanse ao Sistema. ( 1,52 %).
GALICIA
Durante o mes de maio 7.880 persoas sumáronse como ocupados á Seguridade Social (0,85%). Grazas a este aumento, o número de afiliados medios sitúase en 937.338.
Por outro lado, en termos interanuais, 22.037 persoas súmanse ao Sistema. ( 2,41 %).
ESPAÑA
Durante o mes de maio 213.015 persoas sumáronse como ocupados á Seguridade Social (1,25%). Grazas a este aumento, o número de afiliados medios sitúase en 17.221.31. Trátase da maior suba mensual rexistrada, se se exceptúan os meses de maio, xuño e xullo de 2005, cando se procedeu á regularización dos inmigrantes en España.
Por outro lado, en termos interanuais, 592.937 persoas súmanse ao Sistema. (3,57%); supón máis do dobre dos computados en maio do ano pasado, 261.361 (1,60%). Dende xullo de 2006 (684.562), non se consignaba unha ganancia tan elevada de ocupados.
Sinalaba onte o secretario de Estado da Seguridade Social, Tomás Burgos que "O realmente importante é que cada día contamos con máis ocupados que achegan ao Sistema. Levamos 16 meses de crecemento positivo respecto ao ano anterior", quen engadía: "Unha realidade que nos fala de que mes a mes está máis preto ese obxectivo de que o emprego chegue a todos os que o buscan. "
A afiliación volve crecer por terceiro mes en todas as comunidades autónomas, nos réximes clave e nos sectores máis representativos (tanto no Réxime Xeral como o de Autónomos). Destacan os aumentos na hostalaría, actividades administrativas e servizos auxiliares, comercio, construción e industria manufectureira.
O dato desestacionalizado avala o salto cara a diante da afiliación (57.721 afiliados máis). Son xa 22 meses de incrementos.
Si desexa facer algún comentario poder enviar un correo a celso.delgado@congreso.es
Recibirá resposta
