Asisto hoxe en Soutomaior ao mitin do PP co que se
inaugura o curso político, Saliento as duas intervencións máis destacadas.
Feijóo cualificou de “transcendental para España, apuntou que grazas
ao traballo feito ata agora hoxe pódense presentar orzamentos que crecen
substancialmente, incrementar os programas de atención social ou presentar a
reforma fiscal pola que estivemos traballando todos estes anos.
Asegurou que o país está máis preto da situación pola que os cidadáns
agardaron durante os últimos tempos, do mesmo xeito que tamén o partido “está
máis cerca do que a xente espera de nós”.
Ao fío disto apuntou que o Partido Popular “foi o único que escoitou as
urnas” e “en lugar de regodearse nos votos acadados fixouse con humildade nos
que non acadou”. Ademais, lembrou que mentres outras formacións “se pechaban
nos despachos a repartir cartos e cargos”, o PPdeG saíu á rúa a escoitar á
xente e preparar a Ponencia política.
Durante o seu discurso, Feijóo apuntou que a xestión responsable, o deber
cumprido tanto con España como con Galicia, os cambios necesarios efectuados no
partido e os realizados no país fan que “catro anos despois de obter a
confianza dos españois iremos ás eleccións cun partido e cun país en mellores
condicións”. Así, dixo, “o país ten por diante un mellor futuro e tamén hoxe
somos mellor partido político do que fomos”.
Nesta liña, afirmou que os dous presidentes do Goberno de España que menos
se preocuparon por si mesmos e máis polos intereses xerais foron Adolfo Suárez
e Mariano Rajoy, e por iso augurou que este último volverá a iniciar o curso
político do próximo ano como presidente do Executivo.
Por esta razón, amosouse convencido de que o PP seguirá sendo a formación
apoiada de forma maioritaria polos cidadáns nos futuros procesos electorais, do
mesmo xeito que o foi nos últimos comicios xa que “por máis que haxa quen se
considere gañador tras pactar nun despacho con outros partidos políticos, os
que deben decidir a vitoria electoral son os cidadáns nas urnas”.
Reflexionando acerca das diferentes opcións polas que poideron optar e poderán
optar os españois, Feijóo preguntouse “en qué situación estaría España de ter
continuado catro anos máis coas políticas que nos trouxeron aquí e reivindica
ZetaPedro, cal sería a situación de adoptar durante catro anos a actitude do
Goberno grego reivindicada por Podemos, e cómo estaríamos se tiveramos durante
unha lexislatura un Goberno que atende máis as reivindicacións independentistas
que aos principios constitucionais”.
Ao fío disto falou do presente e do futuro de España. O seu presente
resúmese en que como país “estase recuperando económica e laboralmente, asegura
a viabilidade das prestacións públicas que estaban ao borde da quebra, cumpre
os seus compromisos, no que empezan a cadrar as contas do país e hai dezasete
autonomías”.
Con respecto ao futuro afirmou que en España “cada vez serán máis os
cidadáns que perciban a recuperación, poderán ampliarse as prestacións públicas
para quen máis o precise, poderanse tomar medidas de apoio ás familias e
seguirá habendo dezasete autonomías”.
Estes son as principais mensaxes do seu discurso:
. "O único problema que se albisca no horizonte é a deriva
do PSOE cara ao extremismo e cara á radicalización"
· "O peor que lle pode acontecer ao noso país é esa coalición que
algúns xa están a preparar contra quen vai gañar as eleccións"
· "Non imos deixar de ningún xeito que ninguén converta os españois en
estranxeiros no seu propio país"
· "Cada vez que deixamos entrar ao longo da nosa historia o virus da
desunión, a todos os españois nos foi mal"
· "O único que entenderon os novos xestores é que, o que dicían que
ían facer, non se pode facer"
· "Se mantemos a estabilidade política isto irá ben e teremos un longo
período de crecemento e de creación de emprego en España"
· "O primeiro obxectivo vai ser consolidar a recuperación económica e
que esta chegue a todos"
· Deixamos atrás a desesperanza, o medo ao futuro, a escuridade e os
túneles sen final"
· "Hai que seguir construíndo bases sólidas para que, cando hai unha
crise fóra, non nos golpee coa intensidade coa que o fixo esta crise"
· "España necesita as nosas políticas, polo menos, durante os próximos
catro anos e eu estou absolutamente convencido de que o imos lograr"
· "Estes meses son un tempo decisivo para pechar a Lexislatura da
recuperación e para utilizala como pista de despegue para a próxima"
· "Europa está a vivir unha das peores crises migratorias que se
recordan. Son miles de traxedias humanas e non podemos permitilo"
· "A Unión Europea vai poñer en marcha un ambicioso proxecto de
diálogo e cooperación con África"
ttp://www.antena3.com/noticias/espana/rajoy-abre-curso-politico-tradicional-mitin-soutomaior_2015083000018.html
Si desexa facer algún comentario poder enviar un correo a celso.delgado@congreso.es
Recibirá resposta