Onte pola mañá a campaña electoral do PP levoume a Verín, onde en compañía de Juan Jimenez Morán e outros simpatizantes e militantes, percorremos as rúas desta importante Vila á vez que visitamos locais de negocio e fixemos entrega da nosa publicidade.
Tamén puiden saudar na sede local ás persoas que desinteresadamente fan o
traballo de ensobrado das papeletas ao Congreso e ao Senado.
A continuación viaxei a Xinzo de Limia, onde
cos candidatos Miguel Viso e Ana Vázquez, acompañamos ao alcalde Antonio Rodríguez e a outros concelleiros e militantes na
repartición de propaganda electoral nun día de feira.
Logo pola tarde estiven no
auditorio municipal de Ourense onde a partir das 17,45 horas desenvolveuse un
foro empresarial que contou coa presenza
da vicepresidenta do Goberno, Soraya Sáenz de Santamaría, quen afirmou preferir
“a seguridade á incerteza e o PP, co seu balance destes catro anos, pode avalar
un novo proxecto de futuro”.
Sáenz de Santamaría fixo virar
o seu discurso ao redor de tres eixos, como son o terrorismo yihadista, o
debate territorial e o camiño da economía española. O pacto antiyihadista e a
cooperación internacional son básicos para facer fronte ao terrorismo, dixo,
para engadir que “non podemos negociar o que non é noso e pertence á soberanía
dos españois”, en referencia a Cataluña, e asegurar que o PP sempre defenderá a
unidade, a igualdade dos españois e o respecto da lei.
A vicepresidenta centrouse con todo no ámbito económico, repasando a situación coa que se atoparon ao chegar ao Goberno. En 2011 España era a maior incerteza en Europa, sinalou, “e o rescate era moi real”. Agora, salientou, “de cada dous empregos que se crean en Europa uno é español, crecemos a un ritmo do 3 %, o dobre que Alemaña e o triplo que Francia, e somos un referente en toda Europa”.
Ante os empresarios, Sáenz de Santamaría detallou as medidas que o PP expón para fomentar o emprego estable, que é o gran obxectivo do programa popular, como as rebaixas nas cotizacións para o emprego indefinido, unha segunda rebaixa fiscal, a suspensión do IRPF durante un ano para quen acceda ao primeiro emprego, a baixada do imposto de sucesións, o impulso á transferencia do coñecemento ou a unidade de mercado.
A vicepresidenta, que tamén se
referiu á reforma das administracións públicas “que permitiu aforrar 13.000
millóns de euros”, defendeu todas as reformas e propostas do PP para unha
próxima lexislatura “porque ademais de programa temos equipo e experiencia,
fronte a outros que van sós ou é que non teñen ninguén bo ao seu lado”.
E finalicei a xornada,
participando co alcalde Jesús Vázquez, a concelleira Belén Igrexas, o
conselleiro Román Rodriguez e a candidata Belén Quevedo nun mitin no barrio
ourensán de San Francisco, no local da Asociación de Veciños “Os Montes”
Si desexa facer algún comentario poder enviar un correo a celso.delgado@congreso.es
Recibirá resposta
