Hoxe ante máis dun milleiro de persoas celebramos no pavillón de Os Remedios, o mitin de peche de campaña, no que participaron alcalde, Jesús Vázquez, o presidente da Deputación, Manuel Baltar, a candidata ao Senado, Miri Barreira, e polo cabeza de lista ao Congreso, Miguel Ángel Viso.
Correspondeu a intervención principal ao presidente da Xunta e do PPdeG, Alberto Núñez Feijóo, que animou aos electores para "votar polo presidente ao que máis lle preocupa Galicia" e non polos candidatos que "só saen pola televisión".
Destacou o coñecemento que Mariano Rajoy ten da nosa Comunidade, contrapoñéndoo ao desinterese outras formacións como Podemos e Cidadáns pola realidade galega. Respecto deste último partido, criticou o que ocultar aos seus candidatos e non contar con proxectos concretos para Galicia no seu programa electoral.
Lembrou que durante os seus gobernos, o Partido Socialista foi incapaz de acabar coas autovías e co AVE, resaltou que estas obras tiveron que esperar a Gobernos populares para o seu impulso definitivo.
Lembrou que nas eleccións 2011 máis do 50% dos votos da provincia de Ourense foron para Mariano Rajoy e o PP. "Por qué agora non imos conseguilo se fai catro anos pediámolo para proxectos e agora para certezas?", dixo.
Feijóo, reclamou unha gran mobilización para contrarrestar aos “radicais, os extremistas, os antitodo e os contra todo, que superaron a PSOE e BNG", e pediu o vota levar á Moncloa ao único candidato galego.
Recibirá resposta
