Esta semana en Ourense mantivemos una reunión os deputados e senadores ourensáns, Miguel Ángel Viso, Celso Delgado, Miri Barreira, Carmen Leyte e Francisco José Fernández, co presidente provincial do Partido Popular, Manuel Baltar.
Todos os presentes coincidimos en subliñar a
necesidade de loitar, tanto no Congreso como no Senado, por evitar que se
paralicen proxectos básicos para o futuro de Ourense, con especial atención á
conexión coa meseta a través da alta velocidade. Pero tamén quedou constancia
doutro obxectivo prioritario como é frear a perda de poboación na provincia,
para o que e faremos un particular esforzo no apoio ás políticas e programas
que desde as institucións provincial e locais póñanse en marcha neste sentido.
Ademais doutros asuntos, no ámbito económico non
faltaron referencias a eixos básicos para Ourense como o termalismo, chamado a
ser unha fonte de xeración de riqueza e de emprego, e que debe beneficiarse do
auxe turístico que vive Galicia, cos 4,6 millóns de turistas recibidos o pasado
ano.
Xa en clave nacional, Manuel Baltar interesouse polas
impresións recollidas polos representantes ourensáns tanto no Congreso como no
Senado, á hora de analizar o futuro político de España. Concidimos en apuntar
que calquera opción de goberno que se marque como obxectivos a volta a
políticas que nos levaron a unha profunda crise e que pretenda romper a unidade
de España só conseguirá xerar a desconfianza xeneralizada internacional e a
paralización de investimentos, hoxe máis necesarias que nunca para continuar
afianzando a recuperación e a creación de emprego.
Ao termo do encontro, Manuel Baltar enmarcou esta
reunión na liña de acción da que fai gala o Partido Popular de Ourense, cuxos
órganos de goberno e representantes nas principais institucións galegas e nacionais
“traballan sempre co mesmo esforzo e intensidade e non só cando chegan
períodos electorais”.
Recibirá resposta
