Esta mañá participo na visita que a ministra de Fomento en funcións, Ana Pastor, realizou ás obras de execución da Liña de Alta Velocidade (LAV) Madrid-Galicia ao seu paso polas provincia de Ourense.
Durante o percorrido, a ministra comprobou a evolución das traballos e o seu avance conforme ao ritmo previsto, así como o estado de execución dalgunhas das principais estruturas localizadas no tramo da LAV que cruza a provincia de Ourense e de Zamora, e cuxa conclusión permitirá completar a conexión Madrid-Galicia no horizonte de 2018.
A obra visitada en Ourense foi a do túnel de Bolaños, que se integra no tramo comprendido entre Lubián e Ourense, de 100 km de lonxitude.
Este túnel pertence ao subtramo Vilariño-Campobecerros (VI), e ten unha lonxitude de 6.769 m de lonxitude e atópase situado nos termos municipais de Castrelo do Val e Vilariño de Conso, situados na provincia de Ourense. Adif xa finalizou a construción do túnel de Bolaños na súa vía dereita, que discorre en paralelo.
Hai que destacar que este subtramo é o único que se constrúe actualmente con tuneladora. O túnel terminarase cun falso túnel construído ao descuberto en cada un dos seus extremos, con integración ambiental dos emboquilles.
O contrato tamén inclúe a construción de varias galerías de comunicación entre os túneles de vía dereita e vía esquerda, separadas entre si aproximadamente 400 m e cunha sección duns 18 m2.
Despois desta visita, a ministra visitou o subtramo Cernadilla-Pedralba de la Pradería, na provincia de Zamora, dentro do tramo Zamora-Pedralba de la Pradería, de 111 km de lonxitude.
Este subtramo ten unha lonxitude de 19,1 km e discorre polos termos municipais de Cernadilla, Asturianos, Palacios de Sanabria, Robleda-Cervantes, Puebla de Sanabria e Pedralba de la Pradería, todos eles na provincia de Zamora.
As principais estruturas deste subtramo son os viadutos de Palacios, de 419 m de lonxitude, que cruza o val do arroio do Porto e unha pequena estrada cara ao encoro de Cernadilla, e de Poboa-Leste, de 756 m, viaduto que resolve o cruzamento sobre o río Tera á altura da cola do encoro de Cernadilla; e os túneles de Otero, de 1.160 m, e de Pobóaa, de 1.498,5 m de lonxitude.
Tramo Lubián-Ourense
O tramo Lubián-Ourense é un dos máis complexos tecnicamente da LAV Madrid-Galicia, e da rede española de alta velocidade, debido á accidentada orografía que atravesa. Da súa complexidade tamén dá mostra o feito de que na súa execución participan case medio centenar de empresas construtoras, o que esixe un gran esforzo de coordinación.
Entre Lubián e Taboadela finalizouse o tramo Miamán-Ponche Ambía de 6,7 km, atopándose os restantes 18 subtramos en fase avanzada de execución. Todos os túneles entre Taboadela e Ourense atópanse en execución ou finalizados na súa fase de plataforma.
Entre os viadutos, destaca pola súa lonxitude o de Arnoia (1.014 m), situado no subtramo Miamán-Ponte Ambía. Grazas a esta estrutura, a plataforma ferroviaria salva o río Arnoia mediante un esvelto arco ojival de formigón, así como o cruzamento coa liña férrea convencional Zamora-A Coruña, este caso por medio de pilas tipo pórticos.
Ademais, atópase en fase de redacción de proxecto o tramo Taboadela-Ourense, que supoñerá a integración da alta velocidade na capital ourensá.
Tramo Zamora-Pedralba de la Pradería-Lubián
As obras de plataforma deste tramo atópanse en fase avanzada de execución. Así mesmo, tamén está en fase de redacción de proxecto a nova estación de Poboa de Sanabria.
Entre as estruturas singulares proxectadas para o tramo destacan pola súa lonxitude o viaduto de Requejo, de 2.079 m, e o novo Túnel de Padornelo, de 6.407 m.
Recibirá resposta
