Destaco que onte a ministra de Fomento, Ana Pastor asinou xunto
ao conselleiro de Cultura, Educación e Ordenación Universitaria da Xunta de
Galicia, Román Rodríguez, senllos acordos para a realización e financiamento de
obras de acondicionamento de varias dependencias do Conxunto Catedralicio de Tui
(Pontevedra) para usos culturais e obras de rehabilitación do Claustro da
Hospedería no Mosteiro de Melón (Ourense), primeira fase.
Polo que se refire ao monumento ourensán, dicir que mediante un
protocolo establécese que o Ministerio de Fomento, por medio da Dirección General
de Arquitectura, Vivenda y Suelo, interveña no financiamento do 100% das obras,
sendo ademais o órgano de contratación das mesmas. Pola súa banda, a Xunta de
Galicia manifesta a súa intención de colaborar no financiamento dos honorarios
correspondentes ás direccións facultativas e actuacións preceptivas en materia
de seguridade e saúde. O proxecto foi encargado polo Concello de Melón coa
colaboración da Xunta.
Con esta actuación proponse recuperar o segundo nivel da
cuadrilla sur ata a cota de coroación, xa que o primeiro nivel recuperouse
nunha intervención anterior e, na cuadrilla norte, proponse a fabricación de
toda a estrutura de cantería da arquería.
No que atinxe á primeira fase das obras de recuperación e rehabilitación do
Claustro da Hospedaría do Mosteiro de Melón, o orzamento previsto ascende aos
1,8 millóns de euros. Nesta primeira fase o proxecto consiste fundamentalmente
na rehabilitación das alas norte e oeste do claustro da hospedaría nas súas
plantas baixa, alta e cuberta, así como a recuperación e restauración do
pavimento do mesmo. Ademais, executarase a rehabilitación da porta exterior de
acceso ao adro do mosteiro (torre leste) debido ao seu mal estado de
conservación.
Con esta nova actuación o investimento para a restauración deste
BIC achegaríase aos 4 millóns de euros. Neste sentido cómpre lembrar que no
2015 a Consellería executou traballos de consolidación estrutural dos
paramentos interiores da esquina suroeste do cruceiro, no seu encontro coa
fachada principal, e substitución das cubertas das ábsidas da igrexa,
deambulatorio e Capela do Cristo da Saúde, construíndo unha nova cubrición de
tella sobre placas de fibrocemento e o illamento axeitado. Ademais, limpáronse,
desinsectáronse e consolidáronse as pezas do retablo de san Xosé, na igrexa do
Mosteiro; consolidáronse desde o interior os muros da esquina suroeste da
igrexa e da pilastra da esquina do claustro reglar e limpouse a fábrica do
campanario da igrexa.
Con esta actuación completáronse as melloras realizadas no ano
2012, que incluíron a reparación do cimborrio, e o resto das cubertas do
templo, así como o reforzo dun contraforte da esquina nordeste do claustro; así
como as realizadas nos anos 2009 e 2010 para a consolidación deste Mosteiro.
Sen dúbida unha excelente nova para a recuperación e protección do patrimonio cultural.
Si desexa facer algún comentario poder enviar un correo a celso.delgado@congreso.es
Recibirá resposta
Si desexa facer algún comentario poder enviar un correo a celso.delgado@congreso.es
Recibirá resposta
