Rajoy: ¿Como se lle pode pedir a un partido político que gañou as eleccións que vote ao que perde"

Asisto hoxe ao Congreso Provincial do PP de Pontevedra, onde se elixiu a Alfonso Rueda novo presidente da formación.

O presidente do Goberno en funcións e do Partido Popular, Mariano Rajoy preguntouse  "como se lle pode pedir a un partido político que gañou as eleccións que vote ao que perdeu , cando o programa do que perdeu  é botar ao que gañou  e derrogar toda a súa obra. Pero, que clase de broma é esta"

A este respecto, defendeu que "o noso programa é infinitamente mellor do que levou o outro día ao Congreso" por PSOE e Cidadáns e que foi rexeitado dúas veces por 219 deputados. Pola contra, puntualizou  que, máis que nunca, "hai que manter a política económica que evitou a quebra de España", que logrou que o noso país non fose rescatado e que agora permite que se pasou da recesión en 2011 a ser o gran país europeo que máis crece e onde se crea máis emprego.

"Se non se fan as cousas con sensatez, razón e sentido común, podemos chegar ao momento de partida ao que nos queren levar as reformas e as derrogacións" que compoñen a única proposta socialista, advertiu  Mariano Rajoy, antes de apuntar que "a incerteza política non axuda" á confianza e á recuperación.

Por todo iso, volveu lembrar que o PP leva desde o 21 de decembro expondo un gran goberno de coalición entre o primeiro, o segundo partido e todos aqueles que queiran unirse e que compartan os mesmos intereses e valores constitucionais. Así, mostrou o seu desexo de que "sexamos capaces de que non se convoquen eleccións o 26 de xuño" e recalcou , sobre a negociación que aínda está pendente, que "espero que triunfe a razón e o sentido común e espero que algúns se esquezan de sectarismo que non conduce absolutamente a nada". 

"Espero que todos sexan conscientes de cales son os desexos e os anhelos dunha maioría dos españois", especificou  xusto antes de resaltar a postura do PP ante os distintos debates xerados nestes case tres meses: "O importante é manter a unidade, preservar a independencia, non esquecer o que somos: somos o partido máis grande de España, con máis de 800.000 afiliados. E as decisións da organización máis grande España as toma esta organización e non outros". 

Desta forma, o presidente enumerou  os grandes pactos e acordos que propón o PP como base dun Goberno sólido e estable, que se cimentan no crecemento e o emprego, a sociedade do benestar, a educación, a política fiscal e o financiamento autonómico e unhas mellores institucións ao servizo dos españois. "Todo isto é razoable, sensato e entendible" e enfronte só hai unha alternativa, que aglutinaría ás forzas de esquerda co apoio dos independentistas e que sería "malo para España, malo para a unidade de España, malo para os españois e malo para a economía de 46 millóns de persoas".

Mariano Rajoy tamén explico que non se presentou á sesión de investidura porque non tiña os apoios necesarios e defendeu que no PP "non enganamos a ninguén, nin ao xefe do Estado, nin ao Parlamento, nin aos afiliados nin aos españois". "Non fixemos perder nin un minuto a ninguén. Outros fixeron perder un mes ao conxunto dos españois", lamentou , en referencia aos apoios insuficientes que obtivo o candidato socialista: "Con 130 escanos non pode ser un investido nin pode gobernar, nin hai que ser moi intelixente para saber o que se está facendo, criticou ao mesmo tempo que sinalou que "foi unha fraude e só se fixo para defender intereses propios partidistas, os propios dunha persoa pero non desde logo para defender o común dos españois". 

Comezou a súa intervención agradecendo "de corazón" as mostras de apoio recibidas nos últimos días despois de ser declarado persoa non grata polo Concello de Pontevedra. "Agradézoas todas de corazón. Eu considérome un pontevedrés. Son de Pontevedra. Orgulloso, feliz, estude aquí, aquí caseime , fun concelleiro, aquí vou vivir e aquí vou morrer dentro de moitísimos anos", apuntou . 

Si desexa facer algún comentario poder enviar un correo a celso.delgado@congreso.es 
Recibirá resposta