Logo no pobo de Ceboliño celebramos un mitin no que participou Amelia Belmonte, presidenta deste Distrito, a candidata Belén Gómez, o alcalde
Jesús Vázquez e o Consellero de Facenda Valeriano Martinez.
Na miña intervención dixen que necesitamos concentrar o voto de todas as
persoas moderadas: de todos os que queren seguir vivindo nunha España que
defenda e respecte a liberdade de todos; dos que apoian o libre mercado e a
iniciativa privada; de todos os que están orgullosos do traballo ben feito,
admiran aos emprendedores e queren legar unha España mellor aos seus fillos e
aos seus netos.
Pedimos o voto a todas as persoas moderadas que
queren seguridade, tranquilidade, certidumbre e estabilidade. Temos que
aglutinar o voto de todos os que queren un Goberno prudente e solvente, de
persoas con experiencia nas que se poida confiar. Non podemos instalar a España
na incerteza permanente.
Pedimos o voto a todas as persoas moderadas que
queren que España siga crecendo e creando emprego. A todos os que non queren
volver ás aventuras que levaron a España a bordo do rescate e á destrución
masiva de postos de traballo. A todos os que queren un Goberno seguro e capaz.
Pedimos o apoio a todos os moderados, aínda que non
votasen antes ao PP porque a división do voto só beneficia aos extremistas de
Podemos. Só o Partido Popular pode acreditar que nunca, en ningún Concello nin Comunidade
Autónoma, pactou cos extremistas de Podemos. Outros si o fixeron e están
dispostos a volver facelo. O risco é moi alto. Se dividimos o voto, gobernará
Podemos.
Pola tarde recibimos en Ourense ao presidente do PPdeG e da Xunta de Galicia, Alberto Núñez Feijoó, que estivo primeiro en Xinzo de Limia e logo en Verín.
No capital limiá, mantivemos un encontro coa xunta local e militantes, ademais de percorrer diversas zonas da vila.
Si desexa facer algún comentario poder enviar un correo a celso.delgado@congreso.es
Recibirá resposta
