Hoxe está previsto que teña lugar que primeira conversación entre Mariano Rajoy e o líder socialista Pedro Sánchez para ver a predisposición que ten este dirixente e o PSOE para iniciar un diálogo.
O PP está disposto a falar, dialogar e buscar puntos de encontro, e como sempre dixemos a primeira opción que nós poñemos encima da mesa é a gran coalición co PSOE, e tamén como é lóxico con Cidadáns.
Necesitamos un Goberno estable, que permita levar a cabo as grandes reformas que aínda están pendentes e nas que están de acordo o PP e o PSOE, como a visión do Estado, a unidade de España ou a loita contra o terrorismo entre outras, onde partindo de formulacións comúns, pódense construír propostas concretas. España necesita un goberno e necesítao canto antes.
Esiximos responsabilidade de todos os grupos para chegar a un acordo, porque os electores xa falaron e dixeron o que dixeron. Nesta situación a responsabilidade é común e non só do que gañou e por iso o Partido Socialista é un partido que historicamente gobernou máis que ningún outro partido en España e sabe a importancia de ter un goberno estable.
Mariano Rajoy, ten toda a lexitimidade para gobernar, pois tras gobernar con maioría absoluta, revalidou a vitoria electoral dúas veces, e sae reforzado con 52 escanos de diferenza, 2.400.000 votos con respecto ao segundo.
Recibirá resposta
Si desexa facer algún comentario poder enviar un correo a celso.delgado@congreso.es
