En
primeiro lugar fixo unha valoración dos resultados electorais e dixo que " o PP
gañou, así o dixeron os españois, o 26 de xuño as eleccións. Fomos ademais a
única forza política en toda España, que mellorou con claridade os seus
resultados respecto dos comicios de decembro. Insisto, a única .Crecemos case
700.000 votos, o que supón un aumento do
9.6% en votos absolutos e crecemos 700.000 votos cando a participación decreceu
en algo máis dun millón de votos. Aumentamos tamén en porcentaxe de voto
válido, pasamos do 28.7% ao 33%. Crecemos en porcentaxe tamén de voto sobre
censo.
E
crecemos claramente en número de escanos, con 14 deputados máis, ao pasar de
123 a 137 e tamén aumentamos o número de senadores electos"
E
engadiu " a distancia coa segunda forza política, isto tamén ten un valor á hora
de conformar un Goberno. Esa distancia increméntase en case 800.000 votos; de
1.685.000 en decembro 2.481.000 agora. O PP é a primeira forza en España con
case 2,5 millóns de votos de diferenza sobre a segunda. En decembro gañaramos á
segunda forza política por 6.7 e hoxe fixémolo por máis de 10 puntos e pasamos
de 33 deputados de vantaxe fai seis meses a 52 na actualidade".
O presidente
dixo "estar convencido de que estes resultados non serían posibles se o Partido
Popular non dese, unha vez máis, unha mostra da súa solidez, da súa disciplina,
da súa capacidade de traballo e do seu espírito de equipo" e felicitou á
organización, ao Comité de Campaña, aos comités rexionais, interventores,
apoderados, equipos de prensa e de redes sociais, á secretaria, aos
vicesecretarios e todos os candidatos.
Logo
referiuse a outro asunto tamén importante e dixo que "aínda que melloramos a
nosa situación resulta evidente tamén, que estamos moi lonxe de poder gobernar
en solitario. Os resultados do pasado día 26, arroxan un panorama político
igualmente fragmentado no que segue sendo imprescindible falar, pactar e chegar
a acordos".
Repasou
logo as opcións de Goberno de España hoxe son as seguintes:
"Primeiro,
o goberno que expomos nós o 21 de decembro, día en que celebramos o Comité
Executivo Nacional despois das eleccións do 20 dese mes, que era un goberno de
coalición entre o primeiro, o segundo e o cuarto, o PP, o PSOE e Cidadáns.
Segundo, un Goberno de ampla base parlamentaria. Independentemente da fórmula
de colaboración que se puidese articular, independentemente diso, este modelo
ofrecería confianza e estabilidade e, en consecuencia, un horizonte de
certidumbre que era moi necesario nestes momentos. Sería un goberno cuns
obxectivos claros e pactados, un programa de actuación claro e pactado e unha
estratexia a medio prazo tamén clara e pactada. Sería, ao meu xuízo, a segunda
mellor opción e imos traballar por ela.
E unha terceiro opción, que consiste en deixar que goberne o que gañou
que é o PP con 137 deputados. Pero o único que se acorda é que goberne o que
gañou con 137 deputados, isto pódese facer, é posible pero é moi difícil
gobernar con 137 deputados sen establecer uns obxectivos compartidos e unhas
medidas para alcanzalos." E engadiu "En calquera caso, se iso é o que queren os
demais, o PP vai sumir a súa responsabilidade e vai gobernar aínda que sexa con
137 deputados"
Dixo
que " segue habendo necesidade de pactos e acordos, pero tamén é certo que os
españois dixeron con claridade o que lles gustou e o que non lles gustou. Non
se pode ignorar a mensaxe que nos deron sen risco de caer na contumacia máis
absurda".
Engadiu
que " a nosa prioridade será evitar unhas terceiras eleccións, o noso obxectivo
lograr un acordo os máis amplo e o máis estable, como dixen antes, que sexa
posible. Insisto, sería bo pactar uns obxectivos e unhas medidas para o
próximos catro anos atendendo aos intereses xerais dos españois".
Dixo que España necesita seguir avanzando nas
reformas. "Entregamos xa ás distintas forzas políticas un documento cunha serie
de propostas para a negociación".
E
finalizou dicindo que " necesitamos, canto antes, un goberno para continuar
afianzando a recuperación económica, que se reflicte nos últimos datos de
crecemento e emprego·. E que o máis importante agora é o seguinte:
"Primeiro, aprobar de acordo con Europa a
nova senda de redución do déficit público e a partir de aí o teito de gasto
para todas as administracións. Algo que se queremos facer as cousas ben,
deberemos facer en agosto. O Consello de Ministros tería que aprobar o teito de
gasto, fundamental para a elaboración dos orzamentos das CC.AA. e do Goberno e
ese teito de gasto, tería que ter máis votos a favor que en contra no Congreso,
e logo no Senado o propio mes de agosto.
Temos que seguir avanzando na nosa
competitividade, pero tamén nun modelo de crecemento máis inclusivo que nos
permita reducir os niveis de desigualdade e pobreza que aínda existen na
sociedade española.
Temos que abordar as negociacións dun
novo sistema de financiamento autonómico, seguir mellorando a formación dos
mozos e das persoas sen emprego, etc.
Insisto:
non é o PP o que ten urxencia por gobernar. É España a que necesita
urxentemente un goberno e esa é a responsabilidade de todos."
Finalmente, Mariano Rajoy anunciou que a ministra de Fomento en funcións, Ana Pastor será a candidata do Partido Popular á presidencia do Congreso. Unha votación que terá lugar mañá.
Proposta que foi acollida poloa asistentes cun longo apaluso e recibida con satisfacción enorme polos deputados e senadores do PP de Galicia.
Recibirá resposta
Finalmente, Mariano Rajoy anunciou que a ministra de Fomento en funcións, Ana Pastor será a candidata do Partido Popular á presidencia do Congreso. Unha votación que terá lugar mañá.
Proposta que foi acollida poloa asistentes cun longo apaluso e recibida con satisfacción enorme polos deputados e senadores do PP de Galicia.
Si desexa facer algún comentario poder enviar un correo a celso.delgado@congreso.es
