Dado que Sánchez e o PSOE "non quixeron" facilitar a formación dun Goberno en España, e esa é precisamente a razón pola que case un ano despois o noso país segue cun Executivo en funcións, Rajoy rexeitou a actitude de "nin facer nin deixar facer" do líder socialista nun escenario de "situación excepcional", na que "os gobernantes ou quen aspira a selo deberían estar á altura das circunstancias e dar saídas".
Ante a cerrazón do líder socialista coa súa invariable negativa a facilitar a investidura do partido máis votado en dúas eleccións consecutivas, o que "lexitímanos máis que a ninguén para gobernar", Rajoy avanzou que desde o seu Executivo "están a estudarse todas as fórmulas xurídicas posibles para minimizar o dano que a obstrución á que se nos somete está a xerar", como a imposibilidade de aprobar os PGE para 2017 porque "un Goberno en funcións non pode facelo".
"Todo isto non é gratis", advertiu, porque aínda que a situación da economía "está aínda razoablemente ben", existen indicadores económicos "non tan positivos". "Temos por diante as consecuencias do Brexit, o do baixo crecemento de Europa e as incertezas pola actitude obstrucionista do señor Sánchez", detallou Rajoy, non sen antes poñer en valor que o seu Executivo aprobase o Orzamento para 2016, porque de non facelo "a situación sería hoxe máis complexa".
Aínda así, o presidente popular explicou, que os efectos de non poder aprobar o Orzamento para o ano próximo, e ter que prorrogar os actuais, "afectará os intereses dos españois, á oferta de emprego público ou aos investimentos".
Rajoy sinalou que a Sánchez ofrecéronselle "tres opcións", porque "España non pode vivir en funcións", pero criticou que "nin faga nin deixe de facer". Por iso, Rajoy acusou a Pedro Sánchez de levantar un muro de bloqueo, "sen expor ningunha alternativa", e de antepoñer interéses partidistas aos xenerais, pois está "á espera de que pasa nas eleccións galegas e vascas".
"Non ten sentido que manteña esta posición", insistiu, con máis razón cando as opcións que lle restan "son un acordo inviable con Cidadáns e Podemos, ou un acordo con Podemos e os diversos partidos independentistas que vai en contra do seu ideario e dos seus votantes", porque " co peor resultado da súa historia, con eses socios, sen a Mesa do Congreso, e sen maioría no Senado non se pode gobernar nin construír nada".
Rajoy quixo subliñar que "a nosa disposición para gobernar mantense tras o debate de investidura", pois tentalo é a opción "máis xusta, a máis respectuosa coa vontade dos españois e a máis razoable". "Seguirémola defendendo",apostilou.
"Estamos preparados para gobernar e tentalo en calquera momento", subliñando que "temos un programa de goberno e que sería un disparate volver chamar ás urnas aos españois por terceira vez, algo que non ten precedentes en ningún país civilizado".
Nesta mesma reunión foron dados a coñecer os nomeamentos e propostas do GPP para os postos do consello de dirección e para as diferentes responsabilidades nas Comisións do Congreso que comezaron a constituírse desde esta mesma tarde.
http://www.gppopular.es/cargos-gpp-comisiones-xii-legislatura/
Nesta mesma reunión foron dados a coñecer os nomeamentos e propostas do GPP para os postos do consello de dirección e para as diferentes responsabilidades nas Comisións do Congreso que comezaron a constituírse desde esta mesma tarde.
http://www.gppopular.es/cargos-gpp-comisiones-xii-legislatura/
https://www.youtube.com/watch?v=HSrCCkWdIV4
Si desexa facer algún comentario poder enviar un correo a celso.delgado@congreso.es
Recibirá resposta
Si desexa facer algún comentario poder enviar un correo a celso.delgado@congreso.es
Recibirá resposta
