Asisto
hoxe ás trece horas nos Xardíns de Bispo Cesáreo ao acto de inauguración
da XXI Feira dá Artesanía de Ourense, na
que participan 26 expositores de artesanía que proceden de toda Galicia e
doutros lugares do norte de España.
A presidenta da Asociación de Artesáns de Ourense, Olga Santos,
que é a organizadora da Feira explicou que ata o 7 de maio, os asistentes
ademáis de mercar tamén poderán
participar en obradoiros de artesanía como os de olería que impartirá o oleiro
de Gundivós, Tomás López; os de madeira de Roberto Figueira; os de instrumentos
musicais a cargo de Xosé Piñeiro; os de tear de Concha Outeiriño; ou os de
cestería con papel reciclado que impartirá a artesá María José Martínez. O
horario da feira será de 11.00 a 14.00 horas e de 17.00 a 21.00 horas.
A directora xeral de Comercio e Consumo, Sol
Vázquez Abeal, presente no acto destacou que este evento converte a provincia
nun escaparate da artesanía galega. E asegurou que a Xunta de Galicia aposta
pola comercialización, o mantemento e a divulgación dos oficios artesanais, xa
que constitúen unha ferramenta de dinamización social e económica, ademais de
establecer referentes para os novos profesionais que se achegan ao sector
artesanal galego.
A feira ademáis da colaboración da Consellería
de Economía, Emprego e Industria tmán conta co do Concello de Ourense, e por
iso tamén neste acto interveu o alcalde de Ourense, Jesús Vázquez Abad.
Logo fixemos unha visita ás
distintas casetas que se dedican a actividades como a xoiería, a pintura, a
cerámica, a madeira ou o coiro, expoñendo numerosas pezas de calidade.
Celebro moito que esta feira chegue á súa XXI edición e recordo a primeira que apoiamos desde a Cámara de Comercio de Ourense, cando eu traballaba nela. É moi importante apoiar a actividade artesá e espero que nesta ocasión vendan moito aproveitando a ponte do primeiro de maio e a proximidade do día da nai.
Recibirá resposta
Celebro moito que esta feira chegue á súa XXI edición e recordo a primeira que apoiamos desde a Cámara de Comercio de Ourense, cando eu traballaba nela. É moi importante apoiar a actividade artesá e espero que nesta ocasión vendan moito aproveitando a ponte do primeiro de maio e a proximidade do día da nai.
Si desexa facer algún comentario poder enviar un correo a celso.delgado@congreso.es
