Movido pola curiosidade visito onte pola tarde unhas obras recén
finalizadas na parroquia de Santa Cruz de Arrabaldo do Concello de Ourense e que
fron executadas pola Axencia Galega de Infraestruturas Consellería de
Infraestruturas e Vivenda. Tiveron un orzamento de 2.041.684 €
Trátase , dun paso superior sobre a liña de ferrocarril
Vigo-Ourense nas marxes da Vía de Altas Prestacións (VAP) Santiago-Ourense
(AG-53). E da restitución da ribeira
dereita do río Miño para protexela fronte a novos procesos erosivos e
rexenerala ambientalmente.
Unhas obras que levaronse a cabo seguindo os criterios
marcados pola Confederación Hidrográfica do Miño-Sil que consideraron que para lograr a protección
da marxe non era recomendable a construción de muros, proxectandose medidas
alternativas que cumprisen coas premisas como a protección fronte á erosión ou
a implantación dun sistema de restauración do terreo capaz de soportar os
caudais estimados para o río e que permita o crecemento rápido da vexetación de
ribeira.
Asemade, para a protección fronte á erosión ao pe do banco de ribeira apóstose por un sistema consistente en bloques de dique na parte baixo a lámina de auga, e até un metro por riba do nivel e muros vivos para a superficie por encima dese nivel, dispondo un sistema de dique con ocos, nos cales se introduzan plantas nas xuntas entre a roca, de maneira que cheguen ao chan detrás do muro.
Era onte evidente a restauración paisaxística, coa plantación mediante hidrosembras, plantacións arbustivas e sementa de especies ripícolas na zona de ribeira.
A realidade e que onte tiven a sensación de estar diante dunha obra moi ben executada que recuperou un amplo espazo para o lecer e disfrute das persoas, entgre eles pescadores. Parabéns.
Si desexa facer algún comentario poder enviar un correo a celso.delgado@congreso.es
Recibirá resposta
