En nome da Mesa do Congreso dos Deputados participarán neste Foro a secretaria primeira, Alicia Sánchez-Camacho e o secretario terceiro, Marcelo Expósito, a quen acompañará membros das comisións Mixta para a UE; de Interior; de Defensa; de Fomento; de Enerxía, Turismo e Axenda Dixital; e de Agricultura, Alimentación e Medio Ambiente.
Os vogais da Comisión Mixta para a Unión Europea son Pilar Rojo, do Grupo Popular, e Ignacio Sánchez Amor, do Socialista; da Comisión de Interior acudirán Ana Belén Vázquez (Grupo Popular) e Antonio Trevín, portavoz do Grupo Socialista; e de Defensa, os portavoces Popular, Ricardo Torno, e de Unidos Podemos-EC-EM, Juan Antonio Delgado.
En nome da Comisión de Fomento irá o seu presidente, Celso Delgado (PP), e o portavoz socialista, Joaquín Ramos; a Comisión de Enerxía, Turismo e Axenda Dixital estará representada polo seu presidente, Ricardo Sixto (Unidos Podemos); e a portavoz do PSOE, María Pilar Lucio; e tamén participarán o presidente da Comision de Agricultura, Alimentación e Medio Ambiente, Ignacio Llorens (Grupo Popular) e o vicepresidente primeiro, Marc Lamuà (Grupo Socialista).
A inauguración, a cargo do presidente da Asemblea da República de Portugal e a presidenta do Congreso, terá lugar ás 9,30 horas, e ás 10,00 abordarase o primeiro tema, que baixo o epígrafe "Portugal e España en Europa- Desafíos Comúns", incidirá, entre outros aspectos, no ámbito da defensa e da loita contra o terrorismo.
Ás 11,30 está previsto empezar a tratar o bloque temático sobre "Cooperación transfronteiriza: Medio Ambiente e Enerxía", no que se inclúe tamén a colaboración entre España e Portugal en materia de infraestruturas.
Ao redor das 16,30, asinaranse as conclusións que adopten as delegacións de ambos os países, e clausurarase o VI Foro Parlamentario Hispano Portugués.
Recibirá resposta
Si desexa facer algún comentario poder enviar un correo a celso.delgado@congreso.es
Recibirá resposta
