Novamente En Marea volve as andadas, presentando unha
enmeda aos PGE para 2017 coa que pretende retirar as asignacións previstas para tres partidas da A-76 nas provincias de Ourense e Lugo. Suman en total 5.533.630 €. Iniciativa que xa recibiu inmediatas críticas como recolle hoxe o diario "La Región".
Argumentan que o Proxecto de construción desta autovia
" foi deseñado sean a necesaria participación da sociedade civil o que
deriva en que non atende as necesidades reais dos núcleos de poboación da zona
e un forte impacto ambiental das obras de execución e da propia infraestrutura
que pasará por tres espazos naturais (Serra da Enciña da Lastra, Monte Furado e
Ribeira Sacra)" e aducen outros motivos como que "é unha aposta pouco
razoable dada o enorme investimento que requirirá"
Rexeito completamente esta argumentación e anuncio que
desde o GPP promoveremos un frontal rexeitamento de esta enmenda que pretende
adiar e mesmo impedir que saia adiante este Proxecto.
Pensabamos que En Marea-Podemos no repetiría o
posicionamento expresado o pasado 13 de abril de 2016 na Comisión de Fomento
cando foi a única oposición a unha iniciativa do Grupo Parlamentario Popular na
que se ratificaba o compromiso da Cámara Baixa coa "necesidade de
continuar impulsando as actuacións necesarias para que se faga realidade o
proxecto de autovía A-76 entre Ourense e Ponferrada".
Naquela votación, a iniciativa obtivo o respaldo dos 31
deputados de PP, PSOE e Cidadáns, abstivéronse 4 (ERC, DL, Compromís e PNV) e
votaron en contra os 8 deputados de En Marea-Podemos.
Esta nova vía de alta capacidade, que superou os necesarios trámites ambientais, supoñerá un importante
avance desde o punto de vista funcional nas condicións existentes de
comunicación no corredor da estrada nacional N-120, e mellorará tanto as
distancias do percorrido, como os tempos de desprazamento e as condicións de
comodidade e seguridade para os usuarios da vía e a súa contorna.
Pare incrible que se pretenda eliminar do Proxecto de Lei de PXE 2017 a consignación de 4.825.660 € para o tramo A Veiga de Cascallá-O Barco, de 8,4 km de lonxitude, eliminar para o tramo Requejo-A Veiga de
Cascallá, de 10,7 km, a cantidade de 307.970 € y eliminar 400.000 € da partida para o tramo da Circunvalación de Monforte de Lemos.
En Marea-Podemos con esta enmenda está indo en contra dos
intereses xerais de todos os ourensáns, lucenses e bercianos, que expresaron en
multitude de ocasións por medio dos seus alcaldes e representantes políticos o
seu apoio decidido a esta autovía, do mesmo xeito que o solicitaron con
reiteración empresarios, traballadores, transportistas e un longo etc.
Si desexa facer algún comentario poder enviar un correo a celso.delgado@congreso.es
Recibirá resposta