“Un destino tranquilo, pensando
para perdurar no tempo, co acento posto na sustentabilidade, ao que non lle
dea vertixe ofrecer novos produtos turísticos e experiencias diferentes a
outros lugares”, dixo, ao que engadiu que para iso, o Goberno galego destinará
máis de 240 millóns de euros nestes catro anos, para consolidar a marca
Galicia, “para que Galicia non sexa unha moda pasaxeira senón un destino
indispensable para a axenda de calquera turista ou viaxeiro”.
Feijóo incidiu tamén na necesidade dun
traballo conxunto co sector “porque non só queremos que os turistas veñan senón
que os turistas volvan”.
Co obxectivo de fidelizar os visitantes
e impulsar a imaxe de Galicia como destino turístico único, Feijóo avanzou a
creación da Tarxeta do turista que suporá importantes descontos e facilidades
para o transporte e avogou por potenciar ao máximo a Ruta Xacobea de cara ao
ano santo 2021, e para dar a coñecer os bens patrimonio da humanidade, os
parques naturais e para consolidarnos tamén como unha referencia termal.
Unha estratexia dinámica e participativa:
Feijóo concluíu facendo fincapé en que
con esta iniciativa Galicia segue mirando cara ao futuro, cuns ambiciosos
obxectivos para 2020: cara aos 6 millóns de turistas; cara aos 2 millóns de
turistas internacionais; cara aos 60 euros de gasto medio por habitación
hoteleira; e cara a un incremento de catro puntos porcentuais na ocupación do
turismo rural.
Si desexa facer algún comentario poder enviar un correo a celso.delgado@congreso.es
Recibirá resposta
