Onte coñecemos que Adif Alta Velocidade finalizou a construción do viaduto de Otero de Sanabria, situado no subtramo Cernadilla-Pedralba de la Pradería, pertencente á Liña de Alta Velocidade (LAV) Madrid-Galicia ao seu paso pola provincia de Zamora.
O viaduto ten unha lonxitude de 185 m de trazado rectilíneo, para salvar o arroio de Manzanal. Está formado por 6 vans, con lonxitudes de ata 35 m, e apóiase en 5 pilas de sección rectangular e 27,5 m de altura máxima. O taboleiro do viaduto ten 14 m de ancho e unha sección transversal formada por dúas vigas prefabricadas, de 2,2 m de grosor, e unha laxa superior de formigón armado.
Dada a elevada altura das pilas, para a colocación das vigas que conforman o taboleiro optouse polo uso dun "lanza vigas", que consiste nun ponte guindastre móbil que traslada as vigas mediante dous carros de elevación ata a súa localización definitiva.
Subtramo Cernadilla-Pedralba de la Pradería
O subtramo Cernadilla-Pedralba de la Pradería, de 19 km de lonxitude, atópase englobado dentro do tramo Zamora-Lubián, na LAV Madrid-Galicia, e desenvólvese integramente na provincia de Zamora.
O trazado discorre polos termos municipais de Cernadilla, Asturianos, Palacios de Sanabria, Robleda-Cervantes, Poboa de Sanabria e Pedralba de la Pradería.
Ademais do viaduto de Otero, o subtramo conta, como estruturas singulares, cos viadutos de Asturianos (158 m), Palacios (419 m), Poboa Este (756 m) e Poboa Oeste (203 m), así como os túneles de Otero (1.147 m) e Poboa (1.599 m). Ademais, neste subtramo construirase a estación de alta velocidade de Sanabria, con plataformas de 410 m de lonxitude.
Si desexa facer algún comentario poder enviar un correo a celso.delgado@congreso.es
Recibirá resposta