Coñecemos hoxe que o Ministerio de Agricultura e Pesca,
Alimentación e Medio Ambiente anunciou a licitación do contrato de servizos de
enxeñería para redactar o proxecto que finalice o saneamento de auga do río
Barbaña, mellora da Estación Depuradora de Augas Residuais (EDAR) de San Cibrao
das Viñas, fase II (Ourense).
O obxecto desta actuación é dotar á EDAR existente do tratamento
necesario para cumprir cos obxectivos marcados pola Directiva 91/271/CEE en
canto a vertido a zona sensible e conseguir, así mesmo, alcanzar o bo estado
ecolóxico e químico do río Barbaña, tal e como está contemplado no Plan
Hidrolóxico da Demarcación do Miño-Sil.
Para iso faise necesaria a redacción dun proxecto para
dimensionar e deseñar as remodelacións necesarias dentro da EDAR existente.
Esta licitación conta cun orzamento base de 501.700 euros
e un prazo de execución de 14 meses.
A actuación en San Cibrao das Viñas como proxecto de
finalización do saneamento do río Barbaña foi declarada de interese xeral do
Estado na Lei 22/1997, do 8 de xuño, pola que se declaran de interese xeral
determinadas obras hidráulicas como as de “Mellora do saneamento de Ourense”.
A aglomeración urbana de San Cibrao das Viñas (Ourense)
conta cunha poboación de 59.443 habitantes equivalentes. A vertedura da EDAR
realízase á Zona Sensible encoro de Castrelo.
PLAN CRECE
A actuación é perceptora de Fondos Europeos 2014-2020 e
inclúese no Plan de Medidas para o Crecemento, a Competitividade e a Eficiencia
(Plan CRECE) que está a executar o Ministerio de Agricultura e Pesca,
Alimentación e Medio Ambiente para mellorar a calidade das augas que chegan aos
ríos.
Este Plan prevé uns investimentos en materia de depuración de 1.100
millóns de euros para a posta en marcha dunha serie de traballos, cofinanciados
con Fondos Europeos, destinados a conseguir que todos os municipios depuren
adecuadamente as súas augas residuais, conforme á Directiva Marco da auga, xa
que unha auga mellor depurada incide directamente no benestar dos cidadáns e é
vital para o mantemento dos ecosistema.
Si desexa facer algún comentario poder enviar un correo a celso.delgado@congreso.es
Recibirá resposta
