O alcalde Jorge Cubela abríu o acto e deseguido falóu o presidente provincial de Pontevedra, Alfonso Rueda.
ALBERTO NÚÑEZ FEIJÓO
Despois o presidente do PPdeG,
Alberto Núñez Feijóo, puxo de relevo que grazas á “política á galega”
practicada en Galicia e en España ambas “melloran cada día” e, ademais,
“estamos crecendo”.
Apuntou que debido ao “esforzo, talento e ambición” de galegos
e españois superamos a desesperanza e “estamos crecendo” dende 2015 por enriba
do 3 por cento, temos o paro por debaixo do nivel de 2008 e batemos as mellores
marcas históricas de turismo.
O feito de que tanto galegos como españois teñan
escollido ao Partido Popular maioritariamente débese, para Feijóo, a que
“desexan que acompañemos este crecemento”. Por iso aseverou ante Mariano Rajoy
que “creceremos xuntos” facilitando a inversión e axudando aos emprendedores,
reducindo trámites innecesarios, impulsando infraestruturas imprescindibles
como o AVE e poñendo á Adminstración ao carón dos cidadáns, non fronte a eles.
Segundo apuntou o presidente dos populares galegos, cada
vez coñécese máis o noso “patrimonio cultural á galega”, a nosa “natureza á
galega”ou a “gastronomía á galega”. Agora, ademais, coñécese tamén a “política
á galega” que significa traballar máis do que se fala, pensar menos nos votos
ca en crear emprego a longo prazo e ser leal cara ao resto dos españois.
Esta “política á galega” levou tanto a Galicia como a
España –con Mariano Rajoy aos mandos- cara a saída da crise, algo que sinalou
que “é xusto recoñecer”. “Din que os galegos somos indecisos, pero se hai un
lugar en España onde o pobo sabe o que quere, ese é Galicia”, salientou.
No discurso de Feijóo non faltou
unha sentida referencia aos recentes atentados de Barcelona e Cambrils. “Hoxe o meu corazón, o corazón do presidente,
o corazón de todo este partido, o corazón de toda Galicia está e segue estando
en Barcelona”, dixo, cidade que sufriu o que “nunca debeu suceder e non pode
volver suceder”. Así, alzou a voz para esixir aos que empregan as armas para
defender as súas ideas “que nos deixen vivir en paz”.
Ante esta situación para Feijóo non
caben nin as equidistancias nin a ambigüidade, nin o relativismo nin a
xustificación. “Aquí hai malos e bos”, ao que engadiu que hai “os que matan e
os que queremos vivir en paz”.
Nunha carballeira de San Xusto (Cerdedo-Cotobade)
ateigada de simpatizantes e afiliados populares, exactamente un ano despois de
comparecer no mesmo lugar como candidato á reelección á Presidencia da Xunta, o
líder do PPdeG elevou “un inmenso grazas” aos galegos “por outorgarme a honra
de ser quen lles represente”.
Facendo balance dos últimos doce meses, Feijóo afirmou
traballar cada día por “transformar en feitos” ese ‘grazas’ e cumprir dese xeito
coa súa palabra. Así, apuntou que o PPdeG cumpriu en converter a Galicia en
referente de estabilidade e responsabilidade, en afastar o “bloqueo e a
parálise política” da nosa terra e en evitar “multipartitos inestables”.
Do mesmo xeito, e xa mirando cara
adiante, asumiu como reto do partido para o novo curso político “reforzar os alicerces
do progreso económico” e “que a recuperación se traduza en máis benestar para
todos”, algo que para el so pode acadarse cunha política “útil” baseada en
“feitos, solucións, diálogo e rigor”.
Por último, lembrou que o Partido
Popular é “o partido que fronte ao non ao diálogo, o non ao crecemento, o non
ao turismo, o non a facer e o non a todo contrapón un rotundo si”. Por isto
concluíu afirmando que “en España si. En Galicia si”.
MARIANO RAJOY
O presidente do Goberno e do Partido Popular, Mariano Rajoy, afirmou, dez días despois dos atentados de Barcelona e Cambrils que, independentemente de onde sexan, todas as vítimas do terrorismo son as nosas vítimas".
Mariano Rajoy salientou que "estamos aquí para dicir que somos españois, que vivimos nun país libre, que a nosa liberdade pode moito máis que o seu medo e a democracia non cede ante a barbarie".
Neste sentido, advertiu que "imos seguir facendo todo canto estea nas nosas mans para manter, preservar e mellorar a unidade fronte ao terrorismo", porque nesta tarefa "aparcar as diferenzas fainos grandes. Ninguén logrou vencer ao terrorismo só, a unidade dos demócratas é o peor inimigo do terror, e o maior favor que lles podemos facer son as fisuras entre nós".
"As vítimas quérennos unidos e os terroristas desunidos. Necesitamos a unidade de todos para dar as mellores ferramentas para facer o seu traballo os xuíces, policías e fiscais. Se os asasinos cambian de métodos, hábitos e condutas, temos que facer o mesmo coas ferramentas que nos outorga do Estado de Dereito", explicou.
Por iso, destacou a necesidade de que aos responsables políticos non lles una só a dor polos atentados, senón tamén a "determinación para facer fronte a esta ameaza que compartimos con toda a humanidade".
MANIFESTACIÓN DE BARCELONA
En relación á manifestación celebrada onte en Barcelona, o presidente do Goberno subliñou que "onte estivemos onde tiñamos que estar", orgullosos de estar e, ao mesmo tempo, de que o fixese tamén o Xefe do Estado.
Un acto no que, na súa opinión, "estivemos con outras moitas persoas expresando o noso apoio ás vítimas e a nosa solidariedade con todos os cataláns sensatos, moderados e respectuosos. A todos eles o resto de españois fomos a darlle o noso apoio e solidariedade. E as afrentas dalgúns non as escoitamos".
Segundo Rajoy, "España non se pode parar polos feitos acontecidos en Barcelona, pero o que si debería suceder é que todos nos dedicásemos aos asuntos que preocupan aos cidadáns, e que algunhas polémicas rancias que nada achegan á convivencia pasasen ao esquecemento".
RENUNCIA A PLANS DE RUPTURA, DIVISIÓN E RADICALIDADE
Precisamente por iso, o presidente do PP reclamou que "algúns responsables políticosrenuncien aos seus plans de ruptura, división e radicalidade . Con todo, como esa decisión non está nas súas mans, advertiu que o Goberno de España vai defender a soberanía nacional, a Constitución Española, a legalidade de Cataluña, o seu Estatuto de Autonomía, as súas garantías democráticas e a súa pluralidade.
SOUBEMOS CAMBIAR A DESESPERANZA POLO CRECEMENTO
Noutra orde de cousas, Rajoy puxo de manifesto como o Goberno do PP soubo cambiar a crise, o paro e a desesperanza do ano 2011 por ?crecemento, emprego e confianza no futuro. Ao seu xuízo, aínda segue habendo moitas cousas por facer, pero "gustaríanos que o resto de partidos sumásense ás decisións que son boas para España".
"A todas as forzas políticas que queiran traballar lealmente polo interese xeral dos españois convidámoslles a negociar e a ser partícipes da recuperación económica", subliñou.
Neste sentido, referiuse a que o Executivo en próximas datas presentará o proxecto de Orzamentos Xerais do Estado para o ano 2018, que cualificou como un instrumento moi válido para seguir crecendo economicamente e creando emprego".
Así, pediu ao resto de grupos da oposición que "escoiten nosas propostas e expoñan as súas, á hora de facer fronte a retos como o futuro do Estado de Benestar, a educación ou as pensións, e falando en todo momento dos retos do futuro e non dos episodios do pasado".
"O noso reto máis importante seguirá sendo o emprego, en calidade e cantidade. Segundo a EPA, traballan en España 660.000 persoas máis que hai un ano, temos máis de 18,5 millóns de afiliados á Seguridade Social, moitos máis que cando chegamos ao Goberno, pero queremos que sexan moitos máis e chegaremos aos 20 millóns de españois no ano 2019", indicou.
Por último, en relación á polémica relacionada co turismo no noso país, Rajoy lembrou que máis de 2,5 millóns de españois traballan neste sector, á vez que afirmou que ¡quen vai contra o turismo son os mesmos radicais e extremistas que só saben falar de fronteiras nun mundo que cada vez ten menos".
"Somos o país máis acolledor do mundo e queremos seguir séndoo aínda que lles a pesar dalgúns", concluíu.
Si desexa facer algún comentario poder enviar un correo a celso.delgado@congreso.es
Recibirá resposta
