O vindeiro martes 16, ás 15.00 horas, comezará o Pleno do Congreso coa toma en consideración da Proposición de Lei, do grupo Socialista, sobre medidas de protección dos consumidores vulnerables de gas natural e outros gases combustibles por canalización. Esta iniciativa inclúe un mandato ao Goberno para que, no prazo de tres meses, proceda á aprobación dun Real Decreto nesta materia.
A continuación, debaterase a Proposición de Lei, do grupo Confederal de Unidos Podemos-En Comú Podem-En Marea, contra a discriminación por orientación sexual, identidade ou expresión de xénero e características sexuais.
Ese mesmo día, debateranse dúas Proposicións non de Lei. A primeira, presentada polo grupo Confederal de Unidos Podemos-En Comú Podem-En Marea, pretende sentar as bases para acabar cos alugueres abusivos e ofrecer garantías ás persoas arrendatarias e aos pequenos propietarios. Ademais, esta medida busca impulsar a creación dun parque público de aluguer con residencias baleiras de grandes tenedores de vivenda que non estean a cumprir a súa función social.
A esta Proposición non de Lei seguirá outra, do grupo Cidadáns, sobre o apoio institucional na defensa do Estado de Dereito en Cataluña.
O Pleno continuará con tres mocións consecuencia de interpelación urxente: unha, de Cidadáns, sobre como previr e atallar o problema da "okupación"; outra, do grupo Confederal de Unidos Podemos-En Comú Podem-En Marea, sobre a garantía da independencia informativa de RTVE; e a última, do grupo socialista, sobre medidas para impulsar unha recuperación salarial que supoña unha repartición máis xusta da renda.
O Pleno renovarase o mércores, ás 9.00 horas, coas preguntas dos grupos ao Goberno na sesión de control e as interpelacións urxentes.
O xoves, o Pleno comezará ás 9.00 horas co debate de totalidade de dúas Proposicións de Lei Orgánica sobre Protección da Seguridade Cidadá, dos grupos Socialista e Vasco, e votará o texto alternativo presentado por EH Bildu. En caso de ser rexeitada a emenda de totalidade, os textos orixinais continuarán a súa tramitación.
Por último, debaterase e votará o ditame da Comisión de Investigación sobre a utilización partidista no Ministerio do Interior, baixo o mandato do Ministro Fernández Díaz, dos efectivos, medios e recursos do Departamento e das Forzas e Corpos de Seguridade do Estado con fins políticos.
Tamén se votará de forma definitiva a nova lei da radio e a televisión de titularidade estatal, que modifica a fórmula de elección dos membros do Consello de Administración "para recuperar a independencia da Corporación RTVE e o pluralismo na elección parlamentaria dos seus órganos", tras o seu paso pola Cámara Alta.
O Pleno do Senado incorporou o pasado 13 de setembro ao texto unha emenda que establece que a segunda votación para a designación dos conselleiros e o presidente de RTVE requira o respaldo de tres quintos das cámaras (polo menos 210 votos), en lugar da maioría absoluta (176 votos) que estableceu o Congreso en xuño. O Senado fixa o número de membros do Consello de Administración en dez, que respecta o principio de presenza equilibrada de homes e mulleres.
Si desexa facer algún comentario poder enviar un correo a celso.delgado@congreso.es
Recibirá resposta
