A mellora no déficit do Estado débese
fundamentalmente ao incremento dos recursos non financeiros, principalmente
polos impostos que aumentan un 4%, e ao descenso dos gastos non financeiros que
caen ata outubro un 3,2%. Se descontamos os intereses devengados, o saldo primario positivo ascende ao 0,77% do PIB, fronte ao superávit primario do 0,05% do PIB rexistrado no mesmo período de 2016.
Nos tres primeiros trimestres do ano o déficit
consolidado das Administracións Públicas, excluíndo as Corporacións Locais, é
de 22.981 millóns de euros. Esta cifra exclúe o saldo neto das axudas a
institucións financeiras, que a finais de setembro presenta un importe negativo
de 403 millóns. En termos de PIB, o déficit é equivalente ao 1,97% en setembro,
por baixo do 3,16% rexistrado no mesmo período de 2016.
Administración Central
A
Administración Central rexistrou ata o terceiro trimestre do ano un déficit do
1,47% do PIB, excluíndo a axuda financeira. Se se inclúe dita axuda o déficit
sería do 1,50% do PIB, incluíndo o déficit do Estado (1,46% do PIB) así como o
dos organismos da Administración Central (0,04% do PIB) correspondentes ao mes
de setembro. O déficit da Administración Central reduciuse nun 40,1% respecto
ao rexistrado no mesmo período de 2016, debido ao incremento dos ingresos nun
4,2% e ao descenso dos gastos nun 3,7%.
Comunidades Autónomas
A
Administración Rexional rexistrou ata setembro un superávit de 992 millóns,
fronte ao déficit de 2.044 millóns rexistrado no mesmo período do ano anterior.
Nesta evolución influíron fundamentalmente as maiores entregas a conta, que
aumentan en 3.148 millóns respecto das entregas do ano anterior e a liquidación
definitiva de 2015 realizada o pasado mes de xullo, cun aumento de 983 millóns
respecto da de 2014. En sentido contrario destaca o incremento do gasto na
remuneración de asalariados e dos consumos intermedios, que crecen respecto ao
terceiro trimestre de 2017 un 1,9% e un 2,9% respectivamente.
Galicia
A Comunidade Autónoma de Galicia pechou o terceiro trimestre do ano cun superávit do
0,35 % en termos de contabilidade nacional. Deste xeito, Galicia
mantense entre as comunidades autónomas con mellores resultados e mantén o
compromiso de cumprir o obxectivo aprobado no Consello de Política Fiscal e
Financeira.
No
informe publicado hoxe polo Ministerio indica que, ao remate do mes de
setembro, Galicia é a cuarta comunidade autónoma con mellor resultado, só por
detrás de Canarias, Baleares e Navarra.
Ademais, o resultado acadado por Galicia é mellor que a media autonómica, que obtivo un superávit do 0,09% neste mesmo período.
Ademais, o resultado acadado por Galicia é mellor que a media autonómica, que obtivo un superávit do 0,09% neste mesmo período.
Ao
igual que en anos anteriores, Galicia prevé cumprir o obxectivo de
déficit aprobado polo Consello de Política Fiscal e Financeira, que é do 0,6% para todas as comunidades autónomas.
O obxectivo da Xunta é
que Galicia continúe sendo a comunidade de referencia no cumprimento dos
límites de déficit e de endebedamento fixados polo CPFF.
Parabéns ao Goberno Galego na persoa do seu presidente Alberto Núéz Feijóo e do Conselleiro de Facenda, Valeriano Martínez García, por levar a cano unha política que fai que Galicia cumpra, pague, invista e siga mellorando os servizos públicos.
Recibirá resposta
Parabéns ao Goberno Galego na persoa do seu presidente Alberto Núéz Feijóo e do Conselleiro de Facenda, Valeriano Martínez García, por levar a cano unha política que fai que Galicia cumpra, pague, invista e siga mellorando os servizos públicos.
Si desexa facer algún comentario poder enviar un correo a celso.delgado@congreso.es
