O Executivo autonómico está a apostar con determinación pola
intermodalidade a través do deseño de infraestruturas funcionais, eficientes e
estéticas que permitan un intercambio áxil e seguro entre os distintos modos de
transporte. Esta aposta reflíctese nos orzamentos da Xunta para o ano 2018, que
inclúen unha partida de 2,7 millóns de euros para iniciar as obras da estación
intermodal de Ourense.
A primeira fase desta
actuación estratéxica comprende a execución da terminal de autobuses, cun
investimento de 4,8 millóns de euros que achegará a Xunta na súa totalidade; e
do aparcadoiro subterráneo, cun orzamento de 5,5 millóns de euros, do cal o 70
% será achegado polo Goberno galego.
Así, estas actuacións
da primeira fase constan dun orzamento total que ascende a 10,3 millóns de
euros. O Executivo autonómico conta con fondos do Programa operativo Feder
Galicia 2014-2020 para financiar as actuacións correspondentes.
A segunda fase prevé
a adaptación da estación de ferrocarril e actuacións de permeabilidade
transversal e integración urbana para acadar unha adecuada comunicación entre
os barrios a ambos os lados das vías.
No que se refire ao aparcadoiro subterráneo, Adif licitará
as obras nos primeiros meses do próximo exercicio co fin de comezalas en 2018.
Esta infraestrutura disporá de dúas plantas con 300 prazas que darán servizo ás
terminais de ferrocarril e autobuses é á demanda pública en xeral e
posibilitarán a reordenación da praza da estación. Ademais, esta actuación
permitirá acadar unha contorna máis confortable e a súa integración urbana.
A estación intermodal incidirá positivamente na área que a acollerá,
ao superar a barreira que as vías supuxeron na división dos barrios da Ponte e
o Vinte e Un.
Neste sentido, a nova infraestrutura integrará as terminais de
ferrocarril e autobuses no mesmo espazo, constituíndo o principal nó de
comunicación de viaxeiros da provincia e facilitando os desprazamentos dos
veciños da cidade e do resto de concellos.
Esta infraestrutura,
ao non estar recollida nas normas urbanísticas en vigor actualmente no Concello
de Ourense, tramitouse a través da Lei 3/2016 de medidas en materia de
proxectos públicos de urxencia ou de excepcional interese. Esta norma, aprobada
pola Xunta o ano pasado, permite axilizar os prazos para acadar o amparo
urbanístico e a seguridade xurídica necesaria nesta actuación estratéxica.
A Xunta, tras someter o Concello de Ourense o citado proxecto a información pública, considerou as alegacións recollidas para mellorar esta actuación. Unha das propostas para ter en conta consistirá en facer unha única entrada e saída na infraestrutura co obxectivo de non interferir nas inmediacións do centro de saúde da zona.
Tamén se adecuarán diversos elementos da estación de autobuses co fin de acadar unha maior harmonía estética co proxecto da terminal de ferrocarril e conexión no conxunto da infraestrutura.
Estamos diante dun paso decisivo para ter en Ourense, nun mesmo espazo: ferrocarril, autobuses, taxis, vehículos de aliguer, e un amplo aparcadorido para trescentas prazas. Facilitará extraordinariamente a movilidade dos viaxeiros.
Parabéns ao Concello de Ourense, na persoa do seu alcalde Jesús Vázquez e a Conselleira de Infraestruturas da Xunta de Galicia, Ethel Vázquéz.
A Xunta, tras someter o Concello de Ourense o citado proxecto a información pública, considerou as alegacións recollidas para mellorar esta actuación. Unha das propostas para ter en conta consistirá en facer unha única entrada e saída na infraestrutura co obxectivo de non interferir nas inmediacións do centro de saúde da zona.
Tamén se adecuarán diversos elementos da estación de autobuses co fin de acadar unha maior harmonía estética co proxecto da terminal de ferrocarril e conexión no conxunto da infraestrutura.
Estamos diante dun paso decisivo para ter en Ourense, nun mesmo espazo: ferrocarril, autobuses, taxis, vehículos de aliguer, e un amplo aparcadorido para trescentas prazas. Facilitará extraordinariamente a movilidade dos viaxeiros.
Parabéns ao Concello de Ourense, na persoa do seu alcalde Jesús Vázquez e a Conselleira de Infraestruturas da Xunta de Galicia, Ethel Vázquéz.
