A reforma aborda
a organización territorial do sistema público, a participación social no ámbito
sanitario, a consideración de autoridade sanitaria, a mobilidade e itinerarios
profesionais, e o establecemento de principios básicos para a regulación da
docencia, investigación e innovación.
A modificación normativa aprobada onte atende ás
achegas realizadas polos colexios profesionais, Fegamp e outras entidades
sociais e políticas coas que se mantiveron reunións desde a súa publicación no
portal de transparencia da Xunta de Galicia.
Simplificación territorial máis efectiva
A reforma establece a división por áreas sanitarias e
a súa delimitación territorial que coincidirá co actual ámbito das EOXI: A
Coruña; Santiago de Compostela; Ferrol; Lugo, Cervo e Monforte de Lemos; Ourense,
Verín e O Barco de Valdeorras; Pontevedra e O Salnés e Vigo.
Os distritos indicados son os seguintes: A Barbanza, A
Coruña, A Mariña, Cee, Ferrol, Lugo, Monforte de Lemos, O Barco de Valdeorras,
Ourense, O Salnés, Pontevedra, Santiago de Compostela, Verín e Vigo.
A nova
organización territorial pretende acadar unha utilización óptima dos recursos
dispoñibles, tanto materiais como humanos, dentro do ámbito territorial da área
sanitaria, con maior coordinación entre primaria e hospitalaria; ao mesmo tempo
que favorece que a poboación galega dispoña en todo momento dunha organización
sanitaria máis eficiente.
Mobilidade
A norma
facilita así unha maior dispoñibilidade de profesionais e reforza a mobilidade
voluntaria de profesionais dentro da área favorecendo o achegamento ao lugar de
residencia e a conciliación da vida laboral e familiar dos traballadores do
Sergas.
Participación social máis próxima no ámbito sanitario
Desenvolverán funcións consultivas e de
asesoramento na formulación de plans e obxectivos xerais no ámbito territorial
respectivo, así como de seguimento dos resultados de xestión. Na composición
destes órganos, que se determinará por decreto da Xunta de Galicia, haberá
representación dos concellos, dos colexios oficiais de profesionais sanitarios,
das asociacións de pacientes, así como das organizacións empresariais e das
organizacións sindicais e doutras entidades e organizacións do ámbito
sanitario, de forma que quede garantida a participación efectiva e se poida
contar cunha visión e percepción ampla da sociedade.
O novo articulado formaliza a creación do Consello
Asesor de Pacientes e establécese que regulamentariamente se poderán establecer
outros órganos de participación e consulta para ámbitos concretos de actividade
sanitaria.
Modificación en docencia e investigación
A creación da Axencia Galega para a Xestión do Coñecemento en Saúde (ACIS)
supuxo un cambio no modelo existente de xestión do coñecemento, e nas
actividades de investigación e innovación. A reforma permite formular os
principios básicos para a regulación da actividade investigadora no ecosistema
sanitario galego, estruturada en torno aos institutos de investigación
sanitaria e coordinada por ACIS. Ademais poténciase a transferencia de
coñecemento e o réxime de colaboración co sistema público de saúde de Galicia,
facendo referencia expresa á innovación.
Pola súa banda, o conselleiro de Sanidade, Jesús Vázquez
Almuíña, sinalou que “o paciente é o gran beneficiado desta reforma de lei”, xa
que haberá máis e mellores servizos nos hospitais comarcais e servizos que
serán cada vez máis próximos á poboación.
Así mesmo, subliñou que as áreas sanitarias desenvolverán a
función que facían as estruturas de xestión integrada (EOXI) e os distritos
porán en valor os hospitais comarcais. Nesta liña, precisou que “o
desenvolvemento das EOXI permitiu que se investiran nestes anos 20 millóns de
euros nos hospitais comarcais, evitándose arredor de 260.000 desprazamentos
dende as zonas comarcais cara á área principal”.
Almuíña tamén sinalou as melloras realizadas na participación
cidadá coa creación do Consello Asesor do Paciente, e a creación de consellos
de saúde de área e consellos de saúde de distrito, ademais do Consello Galego
de Saúde. “Referéndase, amplíase e faise máis fácil a participación cidadá a
través de colectivos e asociacións de pacientes pero, tamén, a representación
de colexios profesionais e asociacións científicas que poidan axudar na toma de
decisións”.
Por último, destacou que “os outros grandes beneficiados” son os
traballadores do ámbito sanitario, coa creación por lei dun concurso aberto e
permanente e cos itinerarios profesionais. “Queremos que o clima laboral de
todos os traballadores sexa o máis cómodo posible, evitar desprazamentos
innecesarios e facilitar a conciliación laboral e profesional a todos eles”,
concluíu.
Si desexa facer algún comentario poder enviar un correo a celso.delgado@congreso.es
Recibirá resposta
