Falamos en primeiro lugar da da reforma da Lei de saúde que ao meu xuizo blinda a existencia dos hospitais comarcais coa creación de 14 distritos sanitarios, de tal xeito que ningún goberno poderá diminuír ou eliminar un hospital comarcal en Galicia se non é por lei e por autorización parlamentaria.
Dixen que os hospitais comarcais, por exemplo como o de O Barco de
Valdeorras, e Verín, terán máis investimentos e mellorarán os seus servizos que
serán cada vez máis próximos á poboación.
Dixen que as sete áreas sanitarias desenvolverán a función que
facían as estruturas de xestión integrada e os distritos porán en valor os
hospitais comarcais.
Afirmei a confianza no conselleiro de Sanidade, Jesús Vázquez
Almuíña e na estrutura organizativa do SERGAS que ademáis escoita aos
profesionais e traballadores do ámbito sanitario. Por suposto en Feijóo que
coñece perfectamente a xestión da Sanidade que é o servizo público que máis
incide nas persoas.
Despois falamos da reunión
que onte tivo lugar en Madrid na que a Xunta e o Ministerio de Fomento
acordaron iniciar os trámites para a liberación da peaxe da Ap-9 entre Vigo e
Redondela. Dixen que agora tocará analizar en
detalle o alcance económico da medida e abordar coa sociedade concesionaria da
autoestrada a súa estruturación. Recoñecín o bo facer do traballo da conselelira de infraestruturas Ethel Vázquez.
Valorei ademais, que o Ministerio de Fomento
ratificase o compromiso adquirido co Goberno galego de establecer un cambio en
relación coas obras da AP-9 para que, no futuro, todas as obras de ampliación e
mellora pendentes que se realicen na autoestrada se financien con cargo aos
Orzamentos Xerais do Estado e non mediante novos incrementos de peaxe aos
usuarios. Unha acertada petición que leva liderando desde hai moito tempo o
presidente Feijóo.
Finalmente a moderadora propuso que falaramos do tema
do control que o Ministerio de Facenda quere facer
das criptomoedas e a súa utilización como medio de pago de actividades ilícitas e favorecedoras da economía mergullada. A miña valoración foi positiva e que consideraba normal que o Plan de Control Tributario e Aduaneiro para 2018 da Axencia Tributaria, ocupásese das moedas máis populares como os bitcoins, en garantía do Fisco e dos propios usuarios destas moedas.
Estamos ante
instrumentos especulativos e cuxo uso como medio de pago, aínda que aínda moi
limitado que poden provocar problemas á estabilidade financeira pola alza do
seu valor no mercado.
Si desexa facer algún comentario poder enviar un correo a celso.delgado@congreso.es
Recibirá resposta
Si desexa facer algún comentario poder enviar un correo a celso.delgado@congreso.es
Recibirá resposta
