Informaba
onte Adif Alta Velocidade que concluíu a
escavación en fase de avance (sección superior) do túnel de Cerdedelo (vía dereita), situado no subtramo Portocamba- Cerdedelo (provincia de Ourense).
As obras finalizadas tamén inclúen a escavación das galerías de conexión entre
ambos os tubos (vía dereita e vía esquerda), así como a execución completa
dos emboquilles e camiños de acceso.
O túnel
de Cerdedelo (vía dereita) ten unha
lonxitude de 1.654 m, dos cales
1.574 m desenvólvense en mina (baixo
terra). Pola súa banda, o túnel de
Cerdedelo (vía esquerda) ten unha lonxitude de 1.650 m, dos cales 1.565 m desenvólvense en mina. O resto de lonxitude
de túnel corresponde a tramos de túnel artificial. Este sistema inclúe a
primeiramente a escavación da zona que ocupará o túnel, a construción do mesmo
ao descuberto, e finalmente a cubrición do túnel construído para obter a mellor
integración ambiental.
Subtramo Portocamba- Cerdedelo
O
subtramo Portocamba- Cerdedelo ten 2,3
km de lonxitude (2.303 m na vía dereita
e 2.300 m en vía esquerda) e discorre na
súa totalidade polo termo municipal de Laza, na provincia de Ourense.
Ademais do
túnel de Cerdedelo (vía dereita), neste
subtramo tamén destaca a construción doutras infraestruturas como o túnel
de Cerdedelo (vía esquerda), que ten
unha lonxitude de 1.650 m, dos cales
1.565 m desenvólvense en túnel en mina e
os 85 m restantes mediante túnel
artificial, e os viadutos de Teixeiras,
vía esquerda e vía dereita.
Estes
viadutos execútanse mediante semiarcos
abatidos e dovela central de peche,
logrando un van de 132 m de lonxitude
que salva as afeccións ao LIC (Lugar de Interese Comunitario) do río Támega.
Ambos dispoñen de seis pilas e oito vans, sendo a lonxitude total entre eixos
de estribos de 508 m.
A sección
transversal dos dous taboleiros está constituída por un caixón de formigón postesado, cun canto sobre pilas de 5,20 m.
As pilas do viaduto están formadas por un fuste de formigón armado de sección
rectangular oca cos vértices rematados por arcos. As dimensións da sección transversal
dos fustes aumentan linealmente coa altura da pila cunha pendente de 1/50.
Celebro
moito a conclusión desta escavación, o que vén confirmar as impresións que
tiven con ocasión da miña visita a este tramo o pasado 24 de xuño, cando
constatei os evidentes avances neste decisivo tramo da LAV a Galicia. Parabéns!
Si desexa facer algún comentario poder enviar un correo a celso.delgado@congreso.es
Recibirá resposta.
