Coñecemos onte que a afiliación
media á Seguridade Social en España superou en xuño a
barreira dos 19 millóns de ocupados (19.006.990) tras ascender en 91.322
afiliados, o 0,48%, Unha cifra que non se alcanzaba desde setembro de 2008
(19.020.359), trátase, por tanto, dos mellor datos de afiliación da última
década. En termos desestacionalizados,
continúa sumando ocupados (53.236) e alcanza os 18.800.828.
En termos interanuais, xuño do ano pechou cun incremento de 573.884
afiliados medios máis, o 3,11%.
Outro dato significativo é o número de mulleres afiliadas á Seguridade
Social, que supera o resultado de maio, con 8.779.129 traballadoras, o maior
nivel xamais rexistrado. Representan o 46,19% do total de ocupados.
A creación de empresas crece en 7.709 (cun mes de decalaxe).
BALANCE RESPECTO AO MES ANTERIOR
O Réxime Xeral rexistrou un incremento de 77.477 persoas (0,50%), dato
que supera o de xuño do pasado ano, e que eleva a cifra ata 15.664.100
ocupados.
Nunha análise máis detallada, obsérvase que é o dato máis alto de toda a
serie histórica, desde que se produciu a integración dos Réximes Agrario e de
Fogar. Se se considera o Réxime Xeral puro –sen os Sistemas Especiais
integrados en 2012- é o mellor rexistro (14.457.662) desde setembro de 2008
(14.554.822).
En maio, creceu a afiliación na maioría dos sectores económicos,
especialmente en Hostalería con 34.357 (2,53%); Comercio e Reparación de
Vehículos de Motor e Motocicletas con 28.617 (1,20%), Actividades Sanitarias e
Servizos Sociais, 20.570 (1,40%)
Actividades Administrativas e Servizos Auxiliares, 19.492 (1,51%);
Industria Manufactureira, 14.706 (0,81%); Construción, 12.863 (1,57%) e
Transporte e Almacenamento, 5.214 (0,74%).
En sentido contrario, o maior peso corresponde a Educación que,
coincidindo co fin do curso escolar, rexistra un descenso de 54.231 (-5,78%).
En canto ao Sistema Especial Agrario, rexistra 21.716 ocupados menos (-2,69%), e sitúase en
787.069 afiliados medios. Pola súa banda, o Sistema Especial do Empregados
do Fogar baixa en 777 (-0,19%) e alcanza
os 419.369 ocupados.
O Réxime de Autónomos conta con 3.273.558 persoas, tras incrementarse en
12.160 (0,37%) no mes.
Respecto ao Réxime Especial do Mar, suma 1.699 ocupados (2,60%) ata
situarse en 67.081 Finalmente, o Carbón
está constituído por 2.251 afiliados, que descende en 14 persoas.
A cifra de afiliados á Seguridade Social ascende en xuño na maioría das
Comunidades Autónomas, especialmente en Cataluña (32.568), Baleares (23.822),
Castela-A Mancha (12.457), Galicia (8.408) e Aragón (8.296). Descende en
Andalucía (-23.655), Región de Murcia (-1.685) e as cidades autónomas de Ceuta
(-55) e Melilla (-386).
RESPECTO DE 2017
En relación ao ano pasado, o Sistema gañou 573.884 ocupados, o 3,11%. En
concreto, destaca o bo comportamento do Réxime Xeral, que incorpora 538.381
traballadores (3,56%).
No Réxime Especial de Traballadores Autónomos hai que sinalar que a taxa
aumentou un 1,09%, o que se traduce nun crecemento de 35.148 persoas. O Réxime
do Mar creceu en 1,14% (758) e o Carbón rexistrou descenso de 403 (-15,17%).
En termos anuais a ocupación avanza en
todas as provincias e Comunidades e Cidades Autónomas destacando porcentualmente os incrementos da Comunidade
Valenciana (4,12%), Canarias (4,09%), Comunidad de Madrid (3,98%), Navarra
(3,88%), Baleares (3,36%) e Andalucía (3,15%).
Galicia:
O número medio de afiliados á
Seguridade Social situouse o pasado xuño en 1.006.499 ocupados, cifra que
supuxo un aumento de 8.408 persoas afiliadas máis respecto ao mes anterior (0,84 %). Unha
cifra que no se alcanzaba desde hai case 7 anos (agosto de 2011)
A afiliación ao Réxime Xeral terminou xuño con 771.227 afiliados medios, o Réxime de Autónomos con 214.277 afiliados medios, e o Réxime do Mar finalizou con 20.995 afiliados medios
A Comunidade galega segue creando emprego cun aumento das
afiliacións no último ano do 2,72%, é dicir, 26.622 máis, o que supón que xa
son 8 meses consecutivos nos que o aumento anual supera o 2% e as 20.000
afiliacións.
Ourense:
O número medio de afiliados á
Seguridade Social situouse o pasado xuño en 103.027 ocupados, cifra
que supuxo un aumento de 877 persoas afiliadas respecto ao mes anterior (0,86%).
En términos anuais, a
afiliación no total do Sistema rexistrou nesta provincia un incremento de 2.227
ocupados, (2,21 %).
A afiliación ao Réxime Xeral
terminou xuño con 78.057 afiliados medios e o Réxime de Autónomos con 24.970
afiliados medios.
Recibirá resposta.
Si desexa facer algún comentario poder enviar un correo a celso.delgado@congreso.es
Recibirá resposta.
