Onte coñecemos o falecemento de Miguel Cortizo, un político socialista galego que tivo unha dilatada carreira e que ocupou postos de gran relevancia.
Licenciado en Bioloxía pola Universidade de Santiago de Compostela, chegou a graduarse posteriormente nesta especialidade como doutor. Foi profesor titular da Universidade de Santiago de Compostela.
Coñecinlle con ocasión da miña pertencía na V Lexislatura ao Parlamento de Galicia, Ambos formamos parte da Mesa que presidiu José María García Leira. Miguel era vicesecretario e eu vicepresidente primeiro. Iso deume oportunidade de tratarlle máis e descubrín a súa gran intelixencia.
Foi logo deputado en Cortes na X Lexislatura, onde tamén coincidimos, delegado do Goberno en Galicia e Embaixador en Misión Especial para a Coordinación das Relacións coas Comunidades Españolas en Iberoamérica e embaixador en Paraguai durante o mandato de Zapatero.
O meu máis sentido pésame á súa familia e ao PSdeG.
