Vázquez Mourelle avogou por seguir traballando e
elevar novamente a voz unánime de unidade e vontade compartida para lograr que
o norte peninsular sexa definitivamente integrado no Corredor Atlántico de
Mercadorías. E para iso, puxo en valor un argumento incuestionable, os datos de
tráfico intrarrexionais de España, segundo a Plataforma, son mais importantes
os do Corredor Atlántico que os do Corredor Mediterráneo.
A titular de Infraestruturas do Goberno galego sinalou
tamén que para frutificar a demanda común de Asturias, Castela e León e Galicia,
ademais de seguir traballando como ata o de agora, é importante aportar, non só pedir. E
avanzou que a Xunta está a facer un estudo sobre o transporte ferroviario en
Galicia e a redefinición do Corredor Atlántico.
Neste eido, incidiu na importancia de avanzar no
transporte de viaxeiros e impulsar o transporte de mercadorías e, para iso, adiantou
o traballo que está a facer o Goberno galego, a través dos pertinentes análises
das infraestruturas ferroviarias, das infraestruturas nodais, así como a
análise socioeconómica e de tráfico, co obxectivo de definir, concretar e
acertar nas liñas estratéxicas para a materialización do Corredor Atlántico de
mercadorías.
Salientou que esta é unha oportunidade que no se
pode deixar escapar e defendeu a necesidade de que todos os axentes implicados,
gobernos, institucións, organizacións empresariais, sociedade civil, sigan a
concentrar esforzos e poñendo o empeño para lograr este recoñecemento por parte
de los organismos europeos.
A conselleira aproveitou a presenza na xornada
do secretario General de Infraestruturas para pedir a colaboración activa do
Goberno de España para que siga insistindo e facéndose eco da xusta petición das
tres comunidades autónomas ante os órganos competentes da Unión Europea da
inclusión do noroeste peninsular no Corredor Atlántico de Mercadorías.
Solicitou tamén ao Goberno de España que se inicie, canto antes, a elaboración das propostas
concretas de proxectos nos que materializar as inversión que viran garantidas
polos fondos comunitarios. Incidindo na necesidade dos mesmos para a
modernización e a mellora da operatividade das vías ferroviarias, e que
permitirán multiplicar o potencial do Noroeste en termos loxísticos e de tráfico
de mercadorías.
Na súa intervención recordou que foi
precisamente esa mensaxe de colaboración e unidade das tres comunidades as que
xa teñen logrado que as demandas chegasen ás autoridades competentes nas institucións
europeas. E mostrouse confiada en que ese mesmo mensaxe de colaboración e
unidade será o que faga frutificar o esforzo realizado e que, ao fin, se logre
a ratificación do Parlamento e do Consello Europeo para que os tres territorios
formen parte del Corredor atlántico.
Vázquez Mourelle tamén quixo facer un repaso no
acadado ata o momento, grazas a todo o traballo coordinado e conxunto das tres
comunidades autónomas, unha alianza en defensa de que o trazado español do
Corredor Atlántico incorpore e priorice ao Noroeste Peninsular. E neste sentido,
falou tamén da importancia de que os axentes institucionais, empresariais e
económicos dos tres territorios manteñan a inequívoca vontade compartida de
impulsar unha conexión ferroviaria estratéxica para as tres comunidades, así
como para reivindicar e por en valor a posición privilexiada dos portos e
plataformas loxísticas do Noroeste peninsular.
Referiuse ao importante fito que supuxo a
decisión tomada o pasado 6 de xuño pola Comisión Europea de incorporar o Noroeste
español ao Corredor Atlántico de mercadorías. E ao seu significado que, tal e
como subliñou, significa priorizar e incorporar a conexión ferroviaria dos portos
marítimos y centros loxísticos de Vigo, A Coruña, Xixón y Avilés, a través de
Palencia, León, Monforte de Lemos y Ourense. O que garante fondos comunitarios
para a modernización desta liña de ferrocarril de mercadorías a través do
mecanismo de financiación “Conectar
Europa”.
Esta decisión da Comisión Europea, insistiu, abre
a porta para poder sacarlle o máximo proveito ás infraestruturas portuarias e
aeroportuarias como nodos loxísticos con alcance mundial, mediante unha
conexión ferroviaria co resto de España e de Europa que inda ten marxe de mellora.
Unha aposta pola loxística que, engadiu,
no caso concreto de Galicia se ten sido potenciando co impulso á plataformas
como o Porto Seco de Monforte de Lemos ou a PLISAN, no sur da comunidade, que
está chamada a ser o principal nodo loxístico de mercadorías do sur de Galicia.
Tamén falou do importante esforzo do Goberno
galego pola mellora da rede de estradas, na rede interna da comunidade, que vén
a unirse ás comunicacións impulsadas polo Ministerio de Fomento, como a A-8 que
pola cornixa cantábrica e que comunica Galicia con Asturias, Cantabria, País
Vasco e Francia. Á que tamén haberá de sumarse, engadiu, a necesaria conexión
ferroviaria dos portos exteriores, encomenda do Goberno central, e que nestes
momentos ten en obras a vía que conectará o Porto Exterior de Ferrol, esperando
tamén que na de A Coruña sexa realidade a maior brevidade.
A conselleira de Infraestruturas concluíu subliñando
os fitos conseguidos polas comunidades de Asturias, Castela e León e Galicia
para que a Comisión Europea aceptase a demanda de incorporación ao Corredor
atlántico. E iso, engadiu, permiten afirmar que se ten superado con éxito a
primeira proba de cara a incrementar a competitividade económica e a capacidade
loxística do Noroeste península.
No obstante, lembrou, non se pode esquecer que
quedan inda retos e probas que pasar. e que non se pode deixar a medio camiño o
xa avanzado para acadar a meta común de que o Parlamento europeo e o Consejo
europeo ratifiquen e referenden a decisión adoptada pola Comisión Europea e
incorporar el Noroeste Español ao Corredor Atlántico.
Recibirá resposta
