O
pasado 9 de agosto informaba nunha entrada deste Blog que nesa data visitara as
obras de construción de plataforma. Liña de Alta Velocidade Madrid-Galicia.
Tramo: Ramal de conexión coa Liña
Convencional en Taboadela.
Naquela
ocasión vin unhas obras que levaban un bo ritmo, a plataforma estaba moi
avanzada e era moi notorio o tráfico continuo de camións movendo terra, así
como operarios traballando en estruturas de aceiro.
Pois
ben, hoxe domingo, aproveitando o bo tempo viaxei novamente en coche ata
Taboadela e logo vestido de deporte, fixen correndo todo o traxecto entre o
comezo deste tramo ata o punto final da plataforma da LAV no tramo Ponte
Ambía-Taboadela.
Trinta e oito días despois da miña anterior visita, constato un notable
avance na explanación e no movemento de terras da plataforma. Están construindo
estruturas para pontes, e todo indica que o mes de agosto foi ben aproveitado
pola empresa adxudicataria.
Lembrar que con data 26 de febreiro de 2018
adxudicaronse estas obras a COMSA, S.A.U. O importe de adxudicación
total foi de 5.327.818,02 euros. O contrato formalizouse o 20 de marzo de 2018
e o prazo de execución previsto no prego é de doce meses.
Volverei
novamente dentro dun par de meses para ver como evolucionan as obras deste
ramal que permitirá a continuidade da conexión ferroviaria de alta velocidade
entre a cidade de Ourense e a Meseta, mentres se tramita e constrúe a Variante
Exterior de Ourense.
 |
| Ponte no remate do tramo Ponte Ambía-Taboadela |
